पथरी श्रावण ४ – मोरङको पथरी शनिश्चरेमा रहेको शान्ति सामुदायीक वनको आगामी नेतृत्व चयनको विवाद सतहमा आएको छ ।
समितिका ३ जना पदाधिकारी नरहेको अवस्थामा हालका समितिले अधुरो समितीमा मनोनयन गर्ने आफु अनुकुल विधान संसोधन र परिमार्जन गर्ने गरेका कारण टोल कमाण्डर सहीतका उपभोक्ताले असहमती जनाउदै संबन्धीत निकायलाई संयुक्त खवरदारी पत्र बुझाएका छन ।
समितिले टोल कमाण्डर, लेखा समिति संयोजक र सल्लाहकार सहित पटक पटक गरेको निर्णय र वडाध्यक्ष सहितले गरेको छलफललाई बेवस्था गर्दै समितिका केहि ब्याक्तीको हितमा निर्णय गरेको बताएका छन ।
हाल कार्यसमितिमा रहेका पदाधीकारीहरुको एकलौटी हस्तक्षेपका कारण विवाद उत्पन्न भएको उपभोक्ता अमित लिम्बुले बताए ।
उपभोक्तालाई जानकारी नै नगराई वनका कार्यवहाक अध्यक्ष हेमभत्त गुरुङ र कोषाध्यक्ष कुल मणि गुरुङले विधान परिमार्जन गरि उपभोक्तालाई नेत्रित्व पक्षमा जानबाट रोक लगाएको उपभोक्ता अमर बहादुर कार्कीले बताउनु भयो ।
समुहका अध्यक्ष के वि गुरुङ, सहअध्यक्ष प्रकाश थापा र सचिव मेनुका राई पदबाट बाहिर रहदा वनको नेतृत्व कार्यवाहक अध्यक्ष हेमभत्त गुरुङले सम्हाल्दै आउनु भएको छ । अध्यक्ष गुरुङ पदबाट निलम्बनमा पर्नु भएको हो भने सहअध्यक्षको निधन भइ सकेको छ । त्यस्तै सचिवले राजिनामा दिनु भएको छ । निर्वाचित अध्यक्ष सचिव नरहे पछि ६ महिना भित्र चुनाव गराउनु पर्ने हो तर विभिन्न अडकलबाजी थाप्दै २ बर्ष सम्म झुलाएको कारण टोल संयोजकहरुले विरोध जनाएका छन ।
पथरी शनिश्चरे वडा नं. १ का वडाध्यक्ष भिम कुमार राईले आफु सहित बसेर बहुमतले गरेको निर्णयको अपहेलना गर्दै कार्यवहाक अध्यक्ष र कोषाध्यक्षले उपभोक्तालाई घुम्राहमा राखेको बताउनु भएको छ । उहाँले भन्नु भयो “सम्पुर्ण उपभोत्ताहरु सक्षम रहेको र बहुमतको निर्णय नै अन्तिम निर्णय हुन्छ, । “एक लैटि निर्णय भए वडाबाट हुने कुनै पनि कार्यमा सिफारिस गर्दीन” ।
अध्यक्ष निलम्बन भएको खण्डमा कार्यवाहक अध्यक्षले ६ महिना भित्र विषेश बैठक बोलाई साधारणसभा गर्नु पर्नेमा करीब २ बर्ष देखी संस्था अध्यक्ष बिहिन बनेको कारण संस्थाको सम्पुर्ण गतिविधीमा रोक लगाएको सव डिभिजन वन कार्यलय पथरीका प्रमुख दिवस कुमार चौधरीले बताउनु भयो । हालको कार्यसमितिले एक कार्यकाल सदस्य भएकाले मात्रै अवको नेतृत्व लिन पाउने एक पक्षीय विधान संसोधन प्रस्ताव अघि बढाएको छ । तर यता २६ जना टोल कमाण्डर र १ सय ५ जना उपाभोक्ताको हस्ताक्षर सहित आज सबै पदमा खुल्ला हुनु पर्ने माग गर्दै ज्ञापन पत्र बुझाएका छन ।
कार्यवाहक अध्यक्ष हेमभक्त गुरुङ र कोषाध्यक्ष कुलमणी गुरुङलाई करिव दुई बर्ष देखि मनोमानी ढंगमा संस्था चलाएको आरोप छ । प्रमुख ३ पदका ब्यक्तीहरु नभए पछि चुनावको माग गर्दै आएका उपभोक्ताको मागलाई उपेक्षा गर्दे गुरुङ नेतृत्वाको समुहले आफु अनुकुल विधान परीमार्जन गरेको भन्दै उपभोक्ताले साधारण सभाको माग गर्दै आएका थिए । पटक पटकको बैठकबाट सहमती नजुटे पछि र हालका समितिले आफु अनुकुल विधान अघि बढाए पछि टोल कमाण्डर र उपभोक्ताले असहमती जनाएका हुन् ।
पथरी शनिश्चरेको जेठो वन भए पनि आन्तरिक खिच्चातानी भएका कारण वन समुह विवादमा तानिदै आएको छ । हालको समितिले मनोमानी ढंगबाट अपुरो समितिमा मनोनित गर्दै पुर्णता दिने, आउदो चुनावी साधारणसभामा सक्षम र योग्य ब्यक्ती भए पनि नेत्रित्व चयनमा जान रोक लगाएको भन्दै उपभोक्ता समितिहरुबाट खुल्ला प्रतिस्पर्धा हुनु पर्ने माग गर्दै सव डिभिजन वन कार्यलय पथरी शनिश्चरे र पथरी शनिश्चरे वडा कार्यलयमा संयुक्त खवरदारी ज्ञापन पत्र बुझाएको हो ।
संयुक्त खवरदारी ज्ञापन पत्र

















