सरोज निरौला / पथरी, २४ जेष्ठ, भारतीय सेना (आर्मी) मा कार्यरत मनकाजी गुरुङले फुटवल खेलाडीहरुलाई खेल सामाग्री सहयोग गर्नु भएको छ । पथरी शनिश्चरेमा १ का गुरुङले खेल सामाग्रीको अभावमा पशिक्षण गरि रहेका ३५ खेलाडीहरुलाई रु २० हजार बराबरको खेल सामाग्री र फुटबल सहयोग गर्नुभएको हो ।
![](https://i0.wp.com/www.sainokhabar.com/wp-content/uploads/2023/06/IMG-5140-scaled.jpg?resize=640%2C360&ssl=1)
मोरङको पथरी शनिश्चरे नगरापालिका वडा नं. १ को पञ्चायत मावि खेल मैदानमा ३५ भन्दा बढि बालबालिकाहरु फुटवल ट्रेनिङ गर्दै आएका छन । खेल सामाग्रीको अभावमा ट्रेनिङ गर्दै आएका साना साना खेलाडीहरुले अब खेल सामाग्रीका साथ ट्रेनिङ गर्न पाउने भएका छन ।
केहि समय अगाडिबाट हनुमान युनाईटेड फुटबल क्लवका खेलाडी रविन राईले ३५ जना बालबालीकालाई निशुल्क फुटबल ट्रेनिङ गराई रहेका छन । साना साना खेलाडीलाई खेल समाग्रीको अभावमा ट्रेनिङ गराई रहेका थिए । खेलाडी राईले सामाजिक संजालमा खेल सामाग्री अभावमा फुटवल खेल्दै गरेका बालबालीकाका लागि सहयोगको अपिल गरेका थिए ।
![](https://i0.wp.com/www.sainokhabar.com/wp-content/uploads/2023/06/IMG-5146-scaled.jpg?resize=640%2C360&ssl=1)
खेल सिकाईरहदा अफ्ठ्यारो भएको गुनासो पश्चात यतिबेला सहयोगी हातहरु बढ्न थालेको छ । हरेकदीन विहान खेलको तयारी गराईरहेका राईको अपिललाई भारतीय आर्मीमा रहेका गुरुङले छुट्टिमा आएको समय पारेर सहयोग गरेका हुन । स्थानीय स्तरमा रहेका खेलाडीलाई प्रवर्दन गर्ने उदेश्यले सहयोग गरेको गुरुङले बताउनु भयो । उहाँले भन्नु भयो कसैले पनी अभावका कारण आफ्नो रहरबाट बन्चीत नहुनुपरोस भन्ने उदेश्यले खेल सामग्री हस्तान्तरण गरेको बताउनु भयो ।