सरोज निरौला
पथरी ५ जेठ – ज्युदाँ तिर्थ मानिने ज्येष्ठ माता पिताको एउटै चाहाना हुन्छ, त्यो हो धर्म कर्म गर्ने,सत्संग गर्ने र आन्ददायी समय विताउने तर कतिपय ज्येष्ठ नागरीकको सोच सोचमा मात्रै सिमित हुन्छ ।

बुढेसकालमा सबैको माया चाहेका बृद्धबृद्धाले सोचेको जस्तो माया पाएका हुँदैनन् । ज्ञानगुनका खानि मानिएका बृद्धबृद्धाले कुण्ठीत जिवन बाँचिरहेको देखिरहेका हुन्छौँ । तर त्यस्तो कुण्ठीत जिवन व्यत्तित गर्नु नपरोस भन्ने ध्येयले यहाँ स्थित शान्ति किर्तन मण्डलीले आफ्नो २०औँ बार्षिक उत्सवको अवसरमा ज्येष्ठ नागरीकलाई सम्मान सहित मिष्ठान्न भोजन गराएको छ ।

पथरी शनिश्चरेमा रहेका ८१ बर्ष माथिका करिब ५० जना भन्दा बढि बृद्धबृद्धालाई मण्डलीले एक औपचारीक कार्यक्रमको आयोजना गरी दोसल्ला ओडाएर सम्मान गरेको हो । । पथरी शनिश्चरेका विभिन्न वडाका किर्तन मण्डलीहरु साथै बालन नाच टोलीको उल्लेखनीय उपस्थितीमा पछिल्लो समय लोप हुँदै आएको लोक खैँजडी भजन,बालन,संगीनि समेत प्रस्तुत गरिएको थियो ।

मण्डलीका संस्थाका उपाध्यक्ष मानबहादुर थापाको सभापतित्व,समाजसेवि सूर्य श्रेष्ठको प्रमुख आतिथ्यतामा कार्यक्रम सम्पन्न भएको हो । कार्यक्रममा राम जानकी किर्तन मण्डली कोषाध्यक्ष गोमा लुईटेल,शालिग्राम किर्तन मण्डलीका अध्यक्ष प्रम खड्का लगायतले शुभकामना सहित आफ्नो मन्त्व्य राख्नुभएको थियो ।
समाजसेवि बुद्धिजिवी,पत्रकार लगायत करिब १ सय जना भन्दा बढिको सहभागीतामा सम्पन्न भएको कार्यक्रम कोषअध्यक्ष तोयानाथ ढकालले सञ्चालन गर्नुभएको थियो ।


















