सांसद शर्माको प्रस्तावः जलविद्युत उत्पादनमा लगानी गर्न भारत तयार छ सहकार्य गरौँ - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • बिहिबार, जेठ १७, २०८१

सांसद शर्माको प्रस्तावः जलविद्युत उत्पादनमा लगानी गर्न भारत तयार छ सहकार्य गरौँ

काठमाडौं । प्रतिनिधि सभा सदस्य डा.सुनिल शर्माले नेपालमा जलविद्युत उत्पादनका लागि लगानी गर्न भारत तयार रहेकाले सहकार्य गरेर विद्युत उत्पादन बढाउँन प्रस्ताव गरेका छन् ।

सोमबार प्रतिनिधि सभाको बैठकमा विशेष समय लिएर बोल्दै सांसद शर्माले जलविद्युत उत्पादन बढाएर नेपाललाई समृद्ध बनाउँन सकिने आधार भएकाले भारतीयहरुसँग सहकार्य गरेर भएपनि विद्युत उत्पादन बढाउँन सुझाव दिएका हुन् ।

केही दिन अघि भारत गएका सांसद शर्माले त्यहाँका विशिष्ट व्यक्तिहरुसँग भेट गरेका थिए । भेटको कुराकानी उल्लेख गर्दै सांसद शर्माले भारतका उद्योगी, व्यवसायीहरु नेपालमा जलविद्युत उत्पादनका लागि लगानी गर्न तयार रहेको बताए । जलस्रोतको धनी देश नेपालले जलविद्युत उत्पादन बढाएर विद्युतको ठूलो बजार भारत र बंगलादेशलाई बेची केही बर्षभित्रै समृद्ध बन्न सक्ने उनको तर्क छ । तर, अन्य देशसँग मिलेर विद्युत उत्पादन गर्ने र भारतले किन्नुपर्ने बिषय प्रति भारतीयहरु सन्तुष्ट नरहेको पाएको सांसद शर्माले सुनाए ।

‘उत्पादन तपाईहरुले विश्वका अरु कम्पनीहरुलाई दिने अनि उत्पादन पश्चात हामीले किनिदिनुपर्ने ? यो अलि वैज्ञानिक भएन भन्ने कुरा उहाँहरुको छ,’ भारतीय उद्योगी व्यवसायीसँगको छलफलको कुरा सुनाउँदै सांसद शर्माले भने, ‘प्रधानमन्त्रीको भारत भ्रमण अगावै यो बिषयमा एउटा राजनीतिक संयन्त्र तयार गरेर घनिघुत रुपमा छलफल गर्ने हो भने जलविद्युतको विकासका लागि भारतीय व्यवसायीहरु, बंगलादेशका व्यवसायीहरुसँग त्रिपक्षीय सम्झौता गर्न सम्भव छ ।’

प्रधानमन्त्रीको भारत भ्रमणको मितिलाई केही पछाडी धकेलेर भएपनि राजनीतिक संयन्त्र निर्माण गरी भ्रमणमा जादा जलविद्युतमा लगानीको वातावरण निर्माण गर्न प्रधानमन्त्री दाहाललाई सांसद शर्माले आग्रह गरे । हाइड्रोपावरको क्षेत्रमा लागेका नेपाली उद्योगी व्यापारी र लगानी गर्न तयार भारतीय उद्योगी व्यवसायीहरुको बिचमा समन्वयको वातावरण मिलाई चाडै ठूला–ठूला जलविद्युत आयोजनाहरु सञ्चालन गरी भारत र बंगलादेशमा बेचेर समृद्धिको यात्रा तय गर्न सरकारलाई उनको सुझाव छ ।

बर्खाको सिजनमा भारतसँग अधिकतम ४५२ मेगावाटको मात्र कारोवार भइरहेको भन्दै उनले सम्भव देखिएका २३ वटा प्रोजेक्ट मात्र सञ्चालन गर्न सक्ने हो भने पनि सन् २०३० सम्ममा ३० हजार मेगावाट विद्युत उत्पादन गरेर बेच्न सकिने उनको आकलन छ । यसो गर्न सकेमा नेपाल समृद्ध बन्ने उनको तर्क छ । अब, भारतलाई हेर्ने दृष्टीकोण पनि परिवर्तन गर्नुपर्ने भन्दै उनले भारतसँग धार्मिक र साँस्कृतिक कुटनीतिबाट नयाँ ढंगले सम्बन्ध अगाडी बनाउँन उपयुक्त हुने धारणा राखेका छन् ।

सम्बन्धित खवर