पञ्चायतकाे बिदाइसँगै चाडपर्व विशेष शुभकामना - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • शनिबार, जेठ ०५, २०८१

पञ्चायतकाे बिदाइसँगै चाडपर्व विशेष शुभकामना

साइनाे समाचारदाता, पथरी/ साउन १३, मोरङको पथरीशनिश्चरे १ मा रहेको पञ्चायत माध्यमिक विद्यालयले कक्षा १२ को वार्षिक परीक्षामा सफल विद्यार्थीलाई बिदाइसँगै चाडपर्व विशेष शुभकामना आदानप्रदान कार्यक्रम गरेको छ । विद्यालय प्राङ्गणमा मङ्गलबार आयोजित कार्यक्रममा १२ कक्षामा सर्वोत्कृष्ट (जिपिए ३.७५) नतिजा ल्याउने सौरभ बस्नेतसहित समग्र सफल विद्यार्थीलाई उज्ज्वल भविष्यको कामनासहित अबिर तथा खादा लगाई बिदा गरियो ।

यस्तै आसन्न दसैँ, तिहार, नेपाल संवत् तथा छैठजस्ता नेपाली मौलिक राष्ट्रिय पर्वहरूको अवसरमा शुभकामना आदाप्रदान भयो । कार्यक्रमलाई सम्बोधन गर्दै प्रमुख अतिथि पथरीशनिश्चरे नगरपालिकाका शिक्षा, युवा तथा खेलकुद शाखाप्रमुख शालिग्राम काफ्लेले गुणस्तरीय शिक्षा प्रदान गरेर आर्जन गरेको पञ्चायत माविको ख्याति अझ बढोस् भनी शुभकामना दिए । सामुदायिक विद्यालयतर्फ विज्ञान विषय समूहमा निरन्तर प्रदेश १ मै सर्वोत्कृष्ट नतिजा ल्याउन सफल यस विद्यालयको प्रगति अन्य विद्यालयका लागि पनि अनुकरणीय हुने विद्यालयका सल्लाहकार एवम् समाजसेवी युवराज बाँस्कोटाले धारणा राखे ।

विद्यालयका पूर्वअध्यक्ष एवम् सल्लाहकार देवराज भण्डारीले २०३६ सालदेखि हालसम्मको आरोहअवरोहको प्रमुख घटना सुनाउँदै सामूहिक प्रयत्नको फलस्वरूप अहिले पञ्चायत मावि गुणस्तरीय शिक्षाको पर्याय बन्न सफल भएको बताए । विद्यालयकी सहायक प्रअ बीना राई र विद्यार्थी गरिमा थेगिमले स्वागत मन्तव्य राखेको उक्त कार्यक्रममा विद्यालय व्यवस्थापन समिति अध्यक्ष आइतकुमारी तुम्बापो, पूर्व विद्यार्थी समाजका कोषाध्यक्ष टिकेन्द्र (दिनेश) पौडेललगायतले शुभकामना मन्तव्य राखेका थिए ।

कार्यक्रमलाई सम्बोधन गर्दै प्रधानाध्यापक अर्जुनकुमार बुढाथोकीले भौतिक विकास र शैक्षिक उन्नयनलाई विद्यालयले समानान्तर रूपमा अगाडि बढाइरहेको जानकारी दिँदै भने– ‘यस विद्यालयले कक्षा ११ र १२ मा बर्सेनि नयाँनयाँ व्यावहारिक विषय थप गर्ने सन्दर्भमा अहिले मूलविषय समूहमा विज्ञान, सिभिल इन्जिनियरिङ, कानुन, ललितकला (फाइन आर्टस्), व्यवस्थापन, मानविकी र शिक्षासँगै आमसञ्चार तथा पत्रकारिता विषयको समेत पठनपाठन गर्न सफल भएका छौँ ।’

शिक्षक दिनेशकुमार सुवेदीले सञ्चालन गरेको उक्त औपचारिक कार्यक्रमपश्चात् आयोजित मनोरञ्जनात्मक प्रस्तुतिमा विद्यार्थीले ३४ ओटा सामूहिक नृत्य र २३ ओटा गायनसहित अन्य विभिन्न विधाका अब्बल खुराक पस्केको कार्यक्रम संयोजक राजु तिम्सिनाले जानकारी दिए ।

सम्बन्धित खवर