साइनाे समाचारदाता पथरी/ मोरङको कानेपोखरी गाउँपालिकाले ४ जना शारीरिक अपाङ्ग भएका ब्याक्तीलाई सम्मान गरेको छ । ३० औं अन्तराष्ट्रिय अपाङ्गता दिवशको अवसरमा गाउँपालिकाले ४ जनालाई सम्मान र २२ जना शारीरिक अपाङ्ग ब्यात्तीलाई सहयोगी सामाग्री वितरण गरेको छ ।

अपाङ्गता भए पनि कृर्षी र पशुपालनमा महत्वपुर्ण भुमिका खेलेको भन्दै गाउँपालिकाले सम्मान गरेको कानेपोखरी गाउँपालिका अध्यक्ष तारा बाहादुर काफ्लेले बताउनु भयो । सम्मान हुनेमा दिपक लुईटेल, खोनाइ चौधरी, पुन्य प्रसाद कोइराला र पुर्ण प्रसाद गुरगाई रहेका छन ।
“हाम्रो प्राथमिताको आधार, अपाङ्गता भएका ब्याक्तीको अधिकार” भन्ने मुल नाराका साथ सम्पन्न कार्यक्रममा गाउँपालिका भित्रका अपाङ्गता भएका ब्याक्तीहरुका लागि गाउँपालिकाले अभिभावको भुमिका निर्वाह गर्ने अध्यक्ष काफ्लेले बताउनु भयो ।

गाउँपालीका परिसरमा भएको कार्यक्रममा शारीरिक अपाङ्गता भएका २२ जना ब्याक्तीलाई गाउँपालिका अध्यक्ष काफ्ले र उपाध्यक्ष राज कुमारी इङनामले ह्वील चियर, वाकर, इयरफोन र वाइट स्टीक वितरण गर्नु भएको थियो ।
कनेपोखरी गाउँपालीका महिला बालबालीका तथा सामाजिक विकास शाखाको आयोजनामा सम्पन्न कार्यक्रममा प्रमुख प्रसासकीय अधिकृत गायत्री श्रेष्ठ वडाध्यक्ष शुशिल बुढाथोकी, मोहन प्रसाद अधिकारी, चरण गुरुङ, खड्ग बस्नेत लगायतको उपस्थीती रहेको थियो ।


















