साइनाे समातारदाता पथरी/ पिट्सबर्ग च्यालेन्ज कपको उपाधी बेलबारीले चुमेको छ । दमक फुटवल क्लव झापालाई सडनडेथमा हराउदै बेलबारीले उपाधी चुमेको हो । शुक्रबार सम्पन्न फाइनल खेलमा दमक फुटवल क्लवलाई सडन डेथमा हराउदै बेलबारी फुटवल क्लव बेलबारीले उपाधी जितेको हो । निधारी समय गोल रहित बराबरीमा भए पछि खेल ट्राइबेकरमा धकेलिएको थियो ।

ट्राइबेकरमा दुबै तर्फबाट बराबरी गोल भए पछि खेलको निर्णय सडन डेर्थबाट लिएको थियो । सडन डेथमा बेलबारीले ७–६ गोल अन्तरले दमकलाई पराजित गरेको हो । टाइब्रेकरमा बेलबारीका लागि आकाश बस्नेत, वेल्सन गिरि , विवेक पौडेल , शंकर राई, काशिम राई, पारस खत्री र विनोद राईले गोल गरेका थिए भने दमकका लागि रोशन धिमाल, आशिष लिम्बू, गौरव धिमाल, ओम प्रकाश तामाङ्ग, रोशन तामाङ्ग र किस्मत लिम्बुले गोल गरे भने राजन धिमालको प्रहार विफल भएको थियो । अमेरीकाको पिट्सबर्गमा रहेको थ्री रिभर्स क्लवको आयोजनामा सम्पन्न प्रतियोगिताको मुख्य प्रायोजक अमेरिकामा रहेको मेघ सुबेदीको कम्पनी सिजल सिस्टरले गरेको छ ।

प्रतियोगिताको विजेता बेलबारी फुटवल क्लव बेलबारीले नगद १ लाख १ हजार प्राप्त गरेको छ भने उपविजेताले दमकले नगद ५१ हजार ट्रफी, मेडल र प्रमाणपत्र प्राप्त गरेको छ । प्रतियोगितामा बिधागत पुरस्कारतर्फ बेलबारीको बर्चश्व रहेको छ । खेलको म्यान अफ द म्याच दमकका गौरव धिमाल घोषित हुदै नगद २ हजार ५ सय प्रप्त गरे । विधागत पुरस्कार तर्फ बेलबारीका मुस्कान लिम्बु उत्कृष्ट गोल किपर, सुमन श्रेष्ठ उत्कृष्ट डिफेन्डर, पारस खमी उत्कृष्ट मिड फिल्डर, शंकर सुबेदी उत्कृष्ट कोच र उच्च गोलकर्ता विबेक पौडेल घोषित भए । त्यस्तै दमकका किस्मत लिम्बु उत्कृष्ट फर्वाड भएका छन पुरस्कृत खेलाडीले जनही ५÷५ हजार र ट्रर्फी प्राप्त गरेका छन भने प्रतियोगिताको सर्वोकृष्ट खेलाडी दमकका आशिष लिम्बु घोषित हुदै नगर ७ हजार ५ सय सहित ट्रर्फि प्राप्त गरेका छन । पुरस्कृत टिम र खेलाडीलाई मोरङ क्षेत्र नं. ३ क का प्रदेश संसद सुर्यमाराज राईले पुरस्कृत गर्नु भएको थियो । मोरङको पथरी शनिश्चरे १० शरणार्थी क्याममा रहेको खेल मैदानमा सम्पन्न पिट्सबर्ग च्यालेन्ज कप अमेरीकामा बस्दै आएका नेपाली भाषी भुटानी समुदायको क्लव थ्री रिभर्स क्लवको आयोजनामा सम्पन्न भएको हो । प्रतियोगितामा झापा मोरङ सुनसरीका ८ टिमको सहभागिता रहेको थियो ।
















