चौथो अन्तराष्ट्रिय आमन्त्रण बेलबारी गोल्डक
साइनाे समाचारदाता पथरी/ बेलबारी गोल्ड कप २०७८ अन्तरगतको अन्तिम क्वाटर फाइनल खेलमा राजारानी फुटवल क्लव धनकुटा विजयी भएको छ । अर्तिरिक्त थप गरेको समयमा योगेश गुरुङले गोल गर्दै २-१ गोल अन्तरले राजारानी फुटवल क्लव धनकुटा विजयी भएको छ ।

बुद्घ चेम्जोङ, कर्ण लिम्बू, योगेश गुरुङ र ३ जना विदेशी खेलाडी सहित मैदान उत्रिएको राजारानि फुटवल क्लवका लागि नतिजा आफ्नो बनाउन अन्तिम थप गरेको २ मिनेट कुर्नु परेको थियो । राजारानी फुटवल क्लव धनकुटाकाका ग्लोरी १० मिनेटमा गोल गर्दै खाता खोले पनि खेलको ३१ मिनेटमा आयोजक डाँगिहाटका सन्तोष न्यौपानेले गोल गर्दै खेल बराबरीमा पुर्याए । ग्लोरीले कर्ण लिम्बुको पासमा उत्कृष्ट गोल गर्न सफल भए भने सन्तोषले एकल प्रयासमा गोल गरेका थिए । अन्तिम थप गरेको २ मिनेटमा राजारानीका योगेश गुरूङले सेन्टरमा पाएको गोलमा वान भर्सेस वनमा गोल गर्दै राजारानी फुटवल क्लवलाई विजयी गराए ।

आयोजक डाँगिहाटले निकै चर्चित र राष्ट्रिय लेवलका खेलाडी सहित मैदान उत्रिएको राजारानीलाई दवावमा राखेको थियो । तर खेलमा पाएको सुनौला अवसरहरुमा स्कोर गर्न नसक्दा आयोजकले हार बेहोर्नु परेको हो । जित संगै राजारानी धन्कुटाले दोस्रो सेमिफाईनलमा सशस्त्र प्रहरी बल काठमाण्डौको सामना गर्ने छ । खेलको म्यान अफ द म्याच राजारानि धनकुटाक बुद्घ चोम्जोङ घोषित भए । चेम्जोङलाई कार्यक्रमका प्रमुख अतिथी नेपाली काग्रेस मोरङका सचिव नागेश कोईराल ज्युले नगद ५ हजार ५ सय र ट्रफि प्राप्त गरे गर्नु भएको छ ।

कार्तिक १५ गते हुने पहिलो सेमिफाइनल खेल हिमालयन शेर्पा क्लब काठमाण्डौ र रोलिङ फुटवल क्लव धुलाबारी विच हुने छ । प्रतियोगितामा विजेता टिमले ५ लाख र उपविजेता टिमले २ लाख ५० हजार रूपैयाँ नगद पुरस्कार पाउने छन् । त्यसबाहेक प्रत्येक खेलमा म्यान अफ दी म्याचले ५ हजार ५ सय, प्रतियोगिताका सर्वोत्कृष्ट खेलाडीले ३१ हजार, सर्वाधिक गोलकर्ताले २१ हजार तथा उत्कृष्ट गोलरक्षक, डिफेन्स, मिल्डफिल्डर, स्ट्राइकर र उत्कृष्ट प्रशिक्षकले ११÷११ हजार रूपैयाँ नगद पुरस्कार पाउने छन् । प्रतियोगितामा नेपाल र भारतका ८ वटा टिमको सहभागिता रहने छ । सशस्त्र प्रहरी बलको एपीएफ क्लब काठमाडौं, हिमालयन शेर्पा क्लब, च्यासल क्लब, आयोजक डीवाईसी मोरङ, रोलिङ क्लब झापा, गाईघाट फुटबल क्लब उदयपुर, राजारानी क्लब धनकुटा र भारतको रोयल फुटबल क्लब सिलिगुडीले प्रतियोगितामा सहभागिता जनाउने आयोजकले जनाएको छ ।
















