साइनो समाचारदाता
पथरी/ मोरङको डाँगिहाटमा सम्पन्न प्रदेश स्तरीय खुल्ला नकआउट फुटवल प्रतियोगिताको उपाधी पथरी स्पोटिङ क्लवले चुमेकाे छ । खेलको अन्तिम १ मिनेट थप गरेकाे अतिरिक्त समयमा मन्दिपले गोल गर्दै पथरीलाई विजयी बनाएका थिए ।
१४ गते शनिवार भएको फाईनल खेलमा डाँडाबजार फुटवल क्लव धनकुटालाई २–१ गोल अन्तरले हराउदै मोरङको पथरी स्पोटिङ क्लव विजयी भएको हो । पहिलो हाफको ८ औँ मिनेटमा पथरीका विसाल पाण्डेले गोल गर्दै आफ्नो टिमलाई अग्रता दिएला । पथरीको अग्रता धेरै बेर टिक्न सकेन । खेलको २४ औ. मिनेटमा धनकुटाका संजय रम्तेलले गोल गर्दै खेललाई बराबरीमा पु¥याए । पहिलो हाफ एक एकको बरावरीमा सकिएको खेलको दोस्रो हाफको थप १ मिनेट अतिरिक्त समयमा पथरीका मन्दिप धिमालले निर्णयक गोल गरेका थिए ।
निकै रोमान्चक फाईनल खेलमा १५ मिनेट अगाडी मैदान प्रबेस गरेका पथरीका मन्दिप धिमालले गरेको गोल नै आफ्नो टिमलाई विजयी बनाउन सफल भए । जित संगै पथरी स्पोटिङ क्लवले नगद १ लाख १ हजार सहित मेडल र प्रमाणपत्र पाए र उपविजेता धनकुटाले नगद ५१ हजार सहित मेडल र प्रमाणपत्र प्रप्त गरे ।
प्रतियोगिता अन्तर्गत विधागत पुरस्कारहरुमा पथरीका मन्दिप धिमालले खेलको म्यान अफ दि म्याच घोषित हुदै नगद २ हजार पाँच सय प्राप्त गरे भने पथरीका मनोज गुरुङ वेष्ट गोल किप्पर, पथरीका निमोन लिम्बु वेष्ट डिफेन्समा, पथरीका संजय लिम्बु वेष्ट मिड फिल्डर, र वेष्ट कोच पथरीका सुमन विक घोष्ति भए । धनकुटाका तर्फबाट विवेस गुरुङ वेष्ट फरवार्ड धनकुटाका संजय रम्तेल हाई स्कोर घोषित हुदै नगद ५/५ हजार प्राप्त गरे भने धनकुटाका एलोन राई म्यान अफ द सिरिज घोषित हुदै नगद १० हजार आयोजकका सुरेन्द्र खवास उदयमा खेलाडि घोषित हुदै नगद ५ हजार प्राप्त गरे ।
विजेता टिमलाई कार्यक्रमका प्रमुख अतिथी वद्ध एयरका प्रतिनीधी शालिग्राम बस्नेत र विशिस्ट अतिथी मोरङ एन्फाका अध्यक्ष दिपेन्द्र धिमालले पुरस्कार वितरण गरे । वुद्ध एयरको मुख्य प्रायोजनमा भएको उक्त प्रतियोगितामा प्रदेश भरीका आठ टिम सहभागी थिए । मोरङको बेलबारी ९ डाँगिहाट स्थीत डाँगिहाट जागृती युवा क्लवको आयोजनामा कालीमाविमा खेल सम्पन्न भएको थियो ।
