अखाद्य अमिलो नष्ट - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • आइतबार, मङि्सर ०७, २०८३

अखाद्य अमिलो नष्ट

साइनो समाचारदाता
कावासोती । यहाँ कृत्रिमरुपमा अमिलो (चुक) बनाउने काम बढ्दै गएको छ । कर्न फ्लोर, साइटिक एसिड, क्यारामेल रङ, सोडियम बेन्जोएट र कृत्रिम बास्ना राखी चुक तयार गरिएको पाइएको छ ।

नवलपरासी पूर्व नवलपुरको कावासोतीमा अखाद्य चुक नष्ट गरिएको छ । प्रहरीले कावासोतीबाट बरामद गरेको एक हजार २६० लिटर चुक घरेलु तथा साना उद्योग कार्यालयमार्फत नष्ट गरिएको हो । बरामद गरिएको चुक अमिलोको गुणस्तर परीक्षणका लागि खाद्य प्रविधि तथा गुण नियन्त्रण कार्यालय भैरहवा पठाइएको थियो । परीक्षणका क्रममा प्राकृतिक अमिलोबाट चुक बनाएको नपाइपछि नष्ट गरिएको घरेलु तथा साना उद्योग कार्यालयका प्रमुख विक्रम सुवेदीले बताउनुभयो ।

कावासोती नपा–१३ निवासी टेकबहादुर विकले प्रदेश २–०३–००१–च ०५०० को गाडीमा दाङको तुलसीपुरका लागि गोरखा कालिका चुक उद्योग गैँडाकोट नपा–५ बाट उत्पादित चुक लैजाने क्रममा बरामद गरिएको थियो । ठूलोमात्रामा चुक बरामद भएपछि गुणस्तरमा शङ्का लागि परीक्षणका लागि भैरहवा पठाइएको थियो ।

गुणस्तर परीक्षण गर्दा विभिन्न रसायनबाट चुक बनाएको पाइएपछि नष्ट गरिएको कार्यालय प्रमुख सुवेदीले बताउनुभयो । गुणस्तर परीक्षण गर्दा उक्त खाद्य पदार्थ प्रचलनमा रहेको चुक अमिलो नभई कुनै खानयोग्य अमिलो, स्टार्च पाउडर र क्यारामेल रङ राखी तयार पारिएको चुक अमिलो जस्तै देखिने कृत्रिम वस्तु रहेको खाद्य प्रविधि तथा गुण नियन्त्रण कार्यालय भैरहवाका वरिष्ठ खाद्य अनुसन्धान अधिकृत विमलकुमार दाहालले जानकारी दिनुभयो ।

उद्योगको अनुगमन गर्दासमेत कर्न फ्लोर, साइटिक एसिड, क्यारामेल रङ, सोडियम बेञ्जोएट र कृत्रिम बास्ना राखी उक्त चुक अमिलो तयार गरिएको पाइएको दाहालले बताउनुभयो । निबुवाको चुक भनी कृत्रिम चुक झुक्याएर बेच्ने गरेको पाइएको उहाँले बताउनुभयो । चुकमा कुनै लेबल नभएको, कमसल वस्तुको प्रयोग गरी उत्पादन गरेकाले नष्ट गरिएको अनुसन्धान अधिकृत दाहालले बताउनुभयो ।

गोरखा कालिका चुक उद्योगले खाद्य पदार्थको उत्पादन, विक्री वितरण, सञ्चय वा प्रशोधन गर्न चाहने व्यक्तिले खाद्य उद्योगको अनुज्ञापत्र लिनुपर्नेमा सो अनुमतिसमेत नलिएको पाइएको छ । उद्योगलाई आवश्यक कारवाहीका लागि प्रदेश कार्यालयमा पत्राचार गरिसकिएको जनाइएको छ । शनिबार नष्ट गरिएको चुक अमिलो बजार मूल्यअनुसार रु पाँच लाखभन्दा बढीको छ ।

बजारमा कुनै पनि लेबल नलगाई कमसल खालका वस्तुका प्रयोग गरी चुक अमिलो बिक्री गर्ने धेरै पाइएकाले यसमा उपभोक्तासमेत सचेत हुनुपर्ने उपभोक्ता हित संरक्षण मञ्च नवलपुरका अध्यक्ष डोरमान गिरीले बताउनुभयो । कुनै पनि खाद्य वस्तु उपभोग गर्नुपूर्व लेबल, उत्पादन तथा प्रयोगको अन्तिम म्याद जस्ता सामान्य कुरामा ध्यान दिनुपर्ने उहाँले बताउनुभयो ।

 

रासस

सम्बन्धित खवर