रेवत पारघारी ।
तेह्रथम । तेह्रथुमको छथर गाउँपालिका ३ पञ्चकन्या सन्सारेका १४ बर्षिया समिक्षा लिम्बुको हात फुटबल खेल्ने क्रममा भाँचिए संगै आर्थिक कमजोरीका कारण उपचारमा समस्या भएको छ । आर्थिक रूपमा विपन्न रहेकी लिम्बुको उपचारका लागि नेपाली कांग्रेस छथर गाउँपालिका ३ वडा कमिटीले आज ११ हजार ५ सय ५ रुपैयाँ सहयोग गरेको छ ।
कमिटीले घाइतेको घरमैमा पुगी सहयोग रकम समिक्षा र उनको आमालाई वडा सभापति तुलसीजंग थापाले प्रदान गर्नु भएको थियो । वडा कमिटीले पीडित परिवारलाई थोरै भएपनि राहत दिने उदेश्यका साथ सहयोग गरेको उपसभापति मानबहादुर लिम्बूले बताए । धनकुटाको छथर जोरपाटी स्थीत चुलाचुलीमा फुटबल खेल्ने क्रममा समिक्षाको दाहिने हात भाँचिएको घाइतेका आमा चन्द्रीका लिम्बूले बताईन ।
















