धरानकि सोनीको मृत्यु प्रकरण : ससुरासहित ४ जना पक्राउ - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • शनिबार, मङि्सर ०६, २०८३

धरानकि सोनीको मृत्यु प्रकरण : ससुरासहित ४ जना पक्राउ

साइनो समाचारदाता
धरान । सिंगापुरे लाहुरेसँग विवाह गरेकी सुनसरीको धरान ११ कि २२ बर्षीया सोनी लिम्बू मृत्यु प्रकराण्मा उनका ससुरासहित ४ जनालाई प्रहरीले पक्राउ गरेको छ ।

तीन महिना पहिले धरानका युवराज माबोसँग विवाह गरेकी तेह्रथुम माइत भएकी सोनी हाङ्मा लिम्बू सोमबार मृत अवस्थामा आफ्नै कोठामा फेला परेकी थिइन । परिवारले सोनी कोठामा झुन्डिएर आत्महत्या गरेको बताएपनि माइती पक्षले भने उनको हत्या भएको भन्दै प्रहरीमा जाहेरी दर्ता गरेको थियो । प्रहरी घटना स्थलमा पुग्दा सोनीको शव ओछ्यानमा थियो ।

माइती पक्षले दिएको जाहेरीको आधारमा उनका ससुरा ६१ वर्षीय भीम माबो, जेठानी दिदी २८ बर्षीया सन्जु माबो, २५ बर्षीया विमला माबो र देवर २० वर्षीय हेमकुमार माबोलाई बुधबार पक्राउ गरिएकोे इलाका प्रहरी कार्यालय धरानका प्रमुख डिएसपी ज्ञानेन्द्र बस्नेतले जानकारी दिए । उनका अनुसार पक्राउ परेकाहरूलाई बिहीबार जिल्ला अदालत सुनसरीमा म्याद थप गर्ने तयारी छ । शंकास्पद व्यक्तिहरुलाई पक्राउ नगरी पोस्टमार्टम गर्न नदिने अडान माइती पक्षले राख्दै आएको थियो ।

सोनीलाई घर परिवारबाट टर्चर दिएको र उनको मृत्यु भएकोबारे पनि आफूहरुलाई जानकारी नदिएकोले घटना रहश्यमय भएको माइती पक्षले बताएको छ । सोनीको मृत्युको खबर सिंगापुरबाट आफन्तले दिएको काका टेकराजले बताए ।झुन्डिएको अवस्थामा झारिएको हो भने किन तुरुन्तै हस्पिटल लगिएन भन्ने प्रश्न माइती पक्षको छ । यस्तै घाँटीमा गोलो दाग भएको, रालसिंगान केही नदेखिएको तथा झुण्डिएको भनिएको सल नकाटी र नखोली शव झारियो भन्नु रहश्यमय रहेको उनीहरुको भनाइ छ ।

मृतक सोनीका काका टेकराजका अनुसार तेह्रथुमको छथर गाउँपालिका–५, ओख्रेकी सोनी र सिङ्गापुर प्रहरीमा कार्यरत मावो लिम्बूबीच फेसबुकमा चिनजान भएर प्रेम सम्बन्ध बसेको थियो ।उनीहरुको गत असार ५ गते फुलमाला भएको र पछि विवाह गर्ने भन्दै युवराजले सोनीलाई धरान ल्याएको माइती पक्षले जनाएको छ । सिंगापुरे लाहुरेसँग विवाह गरेकी सोनीका श्रीमान भने विवाहपछि सिंगापुर फर्किसकेका छन ।

श्रीमान नभएको बेला सम्बन्ध विच्छेद गर्न दबाब दिएको र अहिले हत्या गरेको सोनीका काका टेकराज तिगेलाले बताए । सोनीका परिवारले भने सोमबार बिहान खाना खान बोलाउदा नबोलेपछि ढोका फोडेर हेर्दा सलले पंखामा झुण्डिएको अवस्थामा भेटेको दावी छ । झुण्डिएको देखेपछि देवरले समातेर उचालेको र छिमेकी एक महिलाले सलको पासो फुस्काएको उनीहरुको भनाइ छ ।

सम्बन्धित खवर