पथरी क्वारेन्टिनमा फोहोरको डङ्गुर - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • शनिबार, मङि्सर ०६, २०८३

पथरी क्वारेन्टिनमा फोहोरको डङ्गुर

साइनो समाचारदाता
पथरी । देशैभर क्वारेन्टिन व्यवस्थापन फितलो भएको गुनासो बढीरहेको बेला मोरङको पथरी शनिश्चरेको क्वारेन्टिनमा पनि फोहोरको डङ्गुर रहेको तथा क्वारेन्टाइनमा लापरवाही रहेको पाइएको छ ।

जताततै फोहोर मात्रै रहेको भनेर क्वारेन्टिनमा बस्नेहरुले भिडियो फोटो सामाजिक सञ्जालमा हालेपछि क्वारेन्टिनको वास्तविकता बाहिर आएको हो ।नगरपालिकाले पथरी बहुमुखी क्यामपसमा बनाएको क्वारेन्टिन जिल्लाका अन्य पालिकाको भन्दा निकै राम्रो व्यवस्थापन भएको प्रचार भइरहँदा भित्रको यथार्थ भने अर्कै रहेको पाइएको छ ।

क्वारेन्टिनमा हप्तौँ सम्म पनि फोहोर व्यवस्थापन नभएको, स्यानिटाइजर, शौचालयमा आवश्यक पर्ने साबुन, बाल्टी, हर्पिक, ब्रस जस्ता कुनैपनि कुरा नभएको क्वारेन्टिनमा बसिरहेका संदिप श्रेष्ठले बताए । वरीपरी भएको फोहोर आफैले व्यवस्थापन गर्नका लागि पनि आवश्यक सामान केही नभएपछि त्यस्तै फोहोरमा बस्न बाध्य रहेको श्रेष्ठले बताए । क्वारेन्टिनमा रहेकाहरुको स्वस्थ्य जाँचका लागि, सोधपुछका लागि समेत कोही नआएको श्रेष्ठले गुनासो गरेका छन् । सरसफाइका लागि नगरले कर्मचारी नै नियुक्त गरेको छ तर आफु क्वारेन्टिनमा बसेको हप्तादिन भैसक्दा समेत एकपटक पनि फोहोरको व्यवस्थापन, सरसफाइ केही पनि नभएको श्रेष्ठले बताए ।

यता नगरपालिका र स्वास्थ्य शाखा भने अन्य पालिका भन्दा धेरै गुणा राम्रो व्यवस्थापन रहेको भन्दै भ्रम फैलाइरहेको छ । क्वारेन्टिनमा फ्रि वाइफाइ, खाना, आवश्यक स्वास्थ्य सामाग्रीहरु सबैको व्यवस्थापन रहेको नगरका स्वास्थ्य संयोजक मुरारी आचार्यले बताए । क्वारेन्टिनमा बस्नेहरुले आफ्नो वरीपरीको सामान्य फोहोरको व्यवस्थापन आफैले गर्न र त्यसका लागि कुनैपनि सामाग्री चाहिए माग गर्न पनि आचार्य सुझाव दिए । तर क्वारेन्टिनमा सोधपुछका लागि समेत कोही नपुगेपछि आवश्यक सामान कस्लाई माग्ने अन्यौलता रहेको छ ।

यता नगरप्रमुख दिलिपकुमार राईले भने उक्त कुरा खण्डन गर्दै क्वारेन्टिनमा रहेकाहरुले पनि आफुले सकेको सहयोग गरे अझै व्यवस्थित बताए ।अन्य पालिकाका तुलनामा पथरीको क्वारेन्टिन व्यवस्थित रहेको बताइन्छ तर समयमा फोहोर मैलाको उचित व्यवस्थापन नभएपछि झन संक्रमण फैलिन सक्ने देखिएको छ । शौचालयको ढोका फुटेको, युरिन पटको पाइप समेत फुटेर लथालिङ्ग भएको छ । बस्ने कोठादेखि शौचालय सम्म जताततै फोहोरका थुप्राहरु रहेका छन् । यसले क्वारेन्टिनमा बस्नेहरुलाई अन्य रोगको पनि संक्रमण हुने सम्भावना त छ नै अझै मानसिक तनाव समेत थप्ने गरेको क्वारेन्टिनमा बस्नेहरु बताउछन् ।

सम्बन्धित खवर