साइनो समाचारदाता
पथरी । मोरङको पथरीशनिश्चरे नगरपालिकाले कोरोना भाइरस जोखिम न्यूनिकरणमा लापर्वाही गरेको भन्दै स्थानीयले सामाजिक संजालमा आलोचना गर्दै आएका छन । कोरोना भाईरसको जोखिम बढ्दै गएको समयमा नगरले उचीत पहल कदमी चाल्न नसक्दा चौतर्फी आलोचान बढ्दै गाएको छ ।
नगरले जोखिमको समयमा पनि कर्मचारी नियुक्त गर्ने तर त्यसको नगरबासीमा सुरक्षाको अनुभुती दिलाउन नसक्नुले पनि नगर आलोचनाको सिकार हुन पुगेको छ । कोरोना रोगको जोखिम बढे संगै गरिएको लकडाउन पनि प्रभावकारी हुन सकेन । लकडाउनको समयमा विभिन्न संघ संस्थाले कार्यक्रम गरेका कारण पथरीशनिश्चरे नगरै एक साता त्रासमा वित्यो । क्वारेनटाईन ब्यावस्थापनमा लापर्वाही गरेको भन्दै सामाजिक संजालमा चौतर्फी आलोचना हुदै आएको छ ।
पथरीशनिश्चरे १ का युवा अभियन्ता सुमन विकले क्वारेनटाईन हालको अवस्थाको फोटो पोष्ट गर्दै सुधारका लागि जानकारी गराएका छन । जुन फोटोमा क्वारेनटाईनमा बस्न नसकिने अवस्था रहेको छ । जहाँ नगरले ठुलो रकम लगानी गरेको र कर्मचारी खटाएको छ । तर नगरले तयार गरेको क्वारेनटाईमा बस्न गाह्रो भएको भन्दै क्वारेनटाईनमा बस्नेले गुनासो गर्दै फोटो पठाउने गरेका छन । तर पथरीशनिश्चरे वडा नं. १ का वडाध्यक्षले गैर जिम्मेवारी अभिब्याक्ती दिएका छन । सामाजिक सञ्जालमा वडाध्यक्ष ऐङदेन र विकको जुहारी नै चलेको छ । वडाध्यक्ष ऐङदेनले उक्त कुराको खण्डन गरेपनि विकले क्वारेन्टाइनभित्रको अवस्थाको फोटो नै सार्वजनिक गरेपछि विकको नगरबासिले ताारिफ गरेका छन् ।
नगरले गरेको कार्य जनप्रतिनिधीको कम्जोरीको फाईदा उठाउदै नगरवासीले लकडाउनको बेवस्था गरे । जुन कारणले गर्दै नगर भित्र संक्रमितहरु सहजै हिनडुल गर्न पाए । जसको कारण नगर हाल शिल गरिएको छ ।लकडाउन र शिलको समयमा पनि मानिसहरु हिडडुल गरेको र पसलहरु खुलेको प्रसस्तै देखिन्छन । नगर र प्रहरी प्रसासनको कम्जोरीका कारण यि र यस्त कार्य भैरहेको स्थानियहरु बताई रहेका छन । तर उक्त विषयमा नगरले प्रहरीको काम भन्ने र प्रहरीले नगरको काम हो भनेर दोस एक अर्कामा लगाउने गरेका छन ।

त्यसो त नगरले गरेको लकडाउन पनि सर्वसाधारणका लागि मात्र हो जस्तो देखिएको छ । नगर भित्रका ठुलठुला होटलहरु भने भित्र भित्रै चलिरहेका छन । त्यस्ता होटलमा जाने पनि नगर भित्रकै केहि जनप्रतिनिधी र केहि कर्मचारीहरु रहेका छन । नगरमा रोगको त्रास फैलिनु र नगरका जिम्मेवार ब्यक्तीहरु होटलमा सोम रसमा मस्त हुनुले उनिहरुले नगरवासिको विश्वास टुटाई सकेका छन ।
















