साइनो समाचारदाता
इटहरी । इटहरीमा हालसम्म २५ जनामा कोरोना संक्रमण पुष्टि भएको छ । विभिन्न समयमा गरिएका परिक्षामा २५ जनामा कोरोना पुष्टि भएको हो । १५ जना कोरोना संक्रमित भने उपचार पछि घर फर्किसकेका छन । आज इटहरीमा २ जनामा संक्रमण देखिएको बताइएको छ । इटहरी उपमहानगरपालिकाका वारूणयन्त्र चालक र इटहरी ५ का एक २७ वर्षीय युवकमा पनि संक्रमण देखिएको छ ।
इटहरीमा पछिल्लो समय समुदायमा संक्रमण देखिन थालेको छ । लामो यात्रा विवरण नभएकामा संक्रमण देखिन थाले पछि समुदायमा फैलिएको अनुमान गर्न थालिएको छ । संक्रमण फैलिन नदिने उदेश्यले इटहरीमा वुधबार देखि २५ गते राति १२ बजे सम्म पुर्णरुपमा लकडाउन गरिएको छ । साथै उपमहानगरपालिका र सबै वडा कार्यालयको कामकारबाहि पुर्ण रुपमा बन्द गरिएको छ ।
















