साइनो समाचारदाता
पथरी । मोरङको उर्लाबारीस्थित मंगलबारेका बाढीपिडितलाई राहत सामग्री प्रदान गरिएको छ । मंगलबारेको तेली र सोल्टी खोलामा असार अन्तिम साता आएको वाढीका कारण पिडीत वनेका २२ घरपरिवारलाई राहत वितरण गरिएको हो ।
राहतका लागि स्थानिय योसेक क्लवको पहलमा हङकङमा रहेका मंगलबारे निवासी पदम लिम्बुले रु ५० हजार रुपैयाँ उपलब्ध गराएका थिए । सोहि रकमबाट पिडितलाई राहत वितरण गरिएको हो । वडा नम्वर २ र ३ मा स्थानिय तेली र सोल्टी खोलामा आएको वाढीका कारण एक परिवार विस्थापित भएको थियो भने अन्य २१ परिवार वाढीको चपेटामा परेका थिए । उनिहरुलाई तत्काल स्थानिय नगरपालिकाको सहयोगमा राहत प्रदान गरिएको थियो ।
अहिले विभिन्न समयमा वैदेशिक रोजगारीमा गएका स्थानिय युवाहरुले थप सहयोग गर्दै आएको वडा नम्वर ३ का वडा सदस्य भिष्म वुढाथोकीले वताए । यता अविरल वर्षा सगै आएको वाढीका कारण खोलाकिनारमा वसी जिविको पार्जन गर्दै आएका स्थानिय राहत पाए सगै हर्सित वनेका छन् । असार अन्तिम साता आएको वढीका कारण क्षति पुगको स्थानिय पुलपुलेसा र सडकको स्तर उन्नती भने अझै सम्म हुन सकेको छैन ।
















