साइनो समाचारदाता
काठमाडौँ । नेपाल प्रहरी मुख्यालयका थप २३ जनामा कोरोना भाइरसको संक्रमण पुष्टि भएको छ । चालक, मेकानिक्स र मेसमा काम गर्ने कर्मचारीसहित थप २३ जनामा संक्रमण पुष्टि भएको प्रवक्ता डिआइजी निरजबहादुर शाहीले जानकारी दिएका छन् । अहिले उनीहरूलाई बलम्बुस्थित सशस्त्र प्रहरीको अस्पताल लाने तयारी गरिएको छ ।
मुख्यालमा कार्यरत चार जना प्रहरीमा आइतबार संक्रमण पुष्टि भएको थियो । त्यसै क्रममा मुख्यालयमा रहेका अन्य सुरक्षाकर्मीको परीक्षण गर्ने क्रममा थप २३ जनामा संक्रमण देखिएको हो । थपिएका संक्रमितहरूको पनि कन्ट्याक्ट ट्रेसिङको काम थालिएको प्रवक्ता शाहीले बताए ।’ उहाँहरूको परिवारको विवरण लिने र उहाँहरू बाहिर कहाँ–कहाँ जानुभयो भन्ने कुराको ट्रेसिङ सुरु गरेका छौं,’ उनले भने ।
















