साइनो समाचारदाता
उदयपुर । उदयपुरको बेलका नगरपालिकाकी उपमेयर राजकुमारी चौधरीले राजीनामाको घोषणा गरेकी छिन् । बुधबार राती फेसबुकामा एक स्थाटस लेख्दै उनले पदबाट राजीनामा दिने घोषणा गरेकी हुन् । उपमेयर चौधरीले ‘म उपमेयर पद पार्टीलाई हस्तान्तरण गर्न चाहन्छु, जनतासँग माफी माग्न चाहन्छु “कालो कर्तुतहरुको विषयमा कार्यान्वयन हुदैन । धिक्कार छ दुइ तिहाइको सरकार” भन्दै राजिनामा दिने घोषणा गरेकी हुन् ।
उपमेयरको यस्तो स्टाटस आएपछी सामाजीक संजाल प्रयोगकर्तामा चर्चा परीचर्चा सुरु भएको छ । कतीपयले चौधरीको स्टाटसर साभार गर्दै समाजिक संजालमा अनेकन अड्कलबाजी गरेका छन । कतीपयले नगरपालिकामा आर्थीक अनियमितता मौलाएको अड्कल गरेका छन । कतिपयले नगरमा भएका अनीयमितताको बिषयमा बोल्न र पद नछाड्न आग्रह गर्दै जनता साथमा रहेको जनाएका छन । उपमेयर चौधरी तत्कालीन नेकपा एमालेबाट निर्वाचित भएकी थिइन् ।
यस बिषयमा थप बुझ्न खोज्दा उपमेयर चौधरीको फोन उठेन । यस्तै नगरपालिकाका प्रबक्ता मोहन प्रसाद घिमिरेले यस बिषयमा आफु जानकार नभएको बताउदै आफुपनी पाटी र उपमेयर संग सम्पर्क गर्न खोजीरहेको र सम्पर्क नभएको बताएका छन् । यता सामाजिक संजालमा भने नगरपालिकाको आलोचना बढीरहेको छ ।
















