साइनो समाचारदाता । मकवानपुरमा तुइनबाट खसेर ७७ वर्षीय वृद्धको मृत्यु भएको छ । हेटौंडा उपमहानगरपालिका १ लालझाडी बस्ने कृष्ण प्रसाद पराजुलीको मंगलबार साँझ ५ बजे तुइनबाट खसेर मृत्यु भएको हो । उनको उपचारका लागि अस्पताल लाँदै गर्दा मृत्यु भएको जिल्ला प्रहरी कार्यालय मकवानपुरले जनाएको छ ।
‘उनी हिजो पारीपट्टिको खेतमा जान खोजेका थिए,’ डिएसपी इन्द्रबहादुर रानाले भने,’तुइनमा चढ्न एउटा खुट्टा राखेर अर्को राख्दा चिप्लिएर लडे ।’ डिएसपी रानाका अनुसार चट्टानमा बजारिएपछि उनी गम्भीर घाइते भएका थिए । गम्भीर घाइते भएका उनलाई प्रहरी पुग्नुअगावै हेटौंडाको जिल्ला अस्पताल लगिएको थियो ।’ जिल्लाबाट भरतपुर अस्पतालमा ‘रिफर’ गरिएको थियो तर पुग्न नपाउँदै उनको बाटोमै मृत्यु भयो,’उनले भने । उनको शव पोष्टमार्टमको लागि हेटौंडा जिल्ला अस्पतालमा राखिएको छ ।
















