बाढीका कारण गर्जुवा गाउँ जोखिममा - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • शनिबार, मङि्सर ०६, २०८३

बाढीका कारण गर्जुवा गाउँ जोखिममा

साइनो समाचारदाता
धनकुटा । केही दिनको भारी वर्षाका कारण लेउती र गर्जुवा खोलामा आएको बाढीका कारण धनकुटाको साँगुरीगढी गाउँपालिका–७ गर्जुवा गाउँको बस्ती जोखिममा परेको छ । दुवै खोलाको संगम स्थलमा ९ घर रहेको बस्ती छ । खोलामा आएको बाढीले घरनजिकै छेउको जमिन धमाधम कटान गर्न थालेका कारण आफुहरु त्रसित बनेको स्थानीय वासिन्दाको भनाइ छ ।

खोलामा पानीको बहाव बढिरहेको छ । स्थानीयमा त्रास रहेको स्थानीय यामबहादुर राईको भनाइ छ । उनको शौचालयसमेत बगाइसकेको छ भने घर जोखिममा छ । केही स्थानीय आफन्तको घरमा सर्न थालेका छन् । बस्तीमा रहेको घरपरिवारका बासिन्दा लेउती खोलामा बालुवा चालेर जीविकोपार्जन गर्ने मजदुर हुन् । गर्जुवा खोलामा माटोसहित आएको बाढीले धरान–धनकुटा कोशी राजमार्गसमेत पटक पटक अवरुद्ध गरेको डिभिजन सडक कार्यालयका सुपरभाइजर अमृता राईले बताइन् । पानी पर्नेबित्तिकै गर्जुवाको शिरमा पहिलो जाने गर्छ। सोही पहिरोको माटो खोलाले बगाउँदा राजमार्ग अवरुद्ध हुने गरेको उनको भनाइ छ ।

सडक डिभिजन कार्यालयले बाटोको पहिरो पन्छाउन डोजर परिचालन गरेको छ । पहिरोले छिनछिनमै बाटो अवरुद्ध गरिरहन्छ । खोलामा रहेको होमपाइप पुरिएपछि बाढीको माटो सडकमा थुप्रिने गरेको छ। गर्जुवाभन्दा केही पर रहेको सिस्नेमा पनि बाढीको जोखिममा छ । गाउँभन्दा मास्तिर कोशी करिडोरको बाटो निर्माणाधीन छन् भने तल कोशी राजमार्ग। कोशी करिडोरको माटो पानीले बगाएर बस्ती हुँदै कोशी राजमार्गमा ल्याएर थोपारिने गर्छ । थुप्रिएको माटो सडक डिभिजनको डोजरले पन्छाएर सडक सुचारु गर्ने गरिएको सुपरभाइजर राईले बताइन् ।

सम्बन्धित खवर