साइनो समाचारदाता पथरी/
समाचार प्रभाव मोरङको पथरीशनिश्चरे ६ मा रहेको शिक्षा सदन आधारभुत विध्यालयलाई शैक्षिक सामाग्री सहयोग जुटेको छ । केहि समय अगाडी स्कुलको दयनिय अवस्था रहेको समचार प्रसारण भए पछि बेलायतमा रहनु हुने नेकपाका युवा नेता मिलन नाल्वोले ५१ हजार बराबरको शैक्षिक सामाग्री सहयोग गर्नु भएको छ ।
लामो समय लकडाउनका कारण घरमै बसेका बालबालीकाहरुलाई पढन पाठनमा सहज होस भनेर नाल्बोले सहयोग पठाएको हो । नाल्बोले ६१ जना बिध्यार्थीहरुलाई ब्याग, एक/एक दर्जन कापि र कलम सहयोग गर्नु भएकोे छ ।
कक्षा ५ सम्म पढाईहुने स्कुलमा ११२ जना विध्यार्थी रहेका छन । ४ जना मात्रै शिक्षक शिक्षिका रहेका कारण विध्यार्थीहरु विध्यालय नआउने र बालबालीकाहरु कम्जोर रहेको अभिभावकको गुनासो रहेको छ । शिक्षक शिक्षिका थोरै भएको र समुदायमा छोरा छोरी पढाउनु पर्छ भन्ने चेतना नभएका कारण बालबालीका स्कुल जान नमानेको अभिभावक चन्दा ऋिसिदेव बताउछिन । कक्षा ५ पास गर्दा पनि नानिहरु सामान्य जोड घटाउ नजान्ने किताव पढ्न नजान्ने रहेको ऋिसीदेवको भनाई छ ।

५ कक्षा सम्म पढाई हुने स्कुलमा ४ जना शिक्षक शिक्षिका हुनु त्यसमा पनि भैतिक संरचना कम्जोरहुन हुनु, समुदायमा शिक्षाको चेतना नहुनुले र सहयोगी दाताको भरमा स्कुल चल्नुले बालबालीकाहरु कम्जोर हुनुको कारण रहेको वडा सदस्य सरस्वती पाण्डे कटुवालको भनाईछ ।
विपन्न परिवारका ऋिसिदेव परिवारमा सरकारले दिदै आएको सहयोग आउन छाडे पछि सहयोगीदाताहरुको भरमा स्कुल चल्दै आएको विध्यालय ब्यावस्थापन समितिका अध्यक्ष इन्द्र बहादुर कार्कीले बताए ।

केहि समय अगाडी आएको हावाहुरीका कारण मुसर समुदायका अधिकाम्स घरको छानो उडाएको थियो । हावा हुरीले बालबालिकाका किताव कापि भिजाए पछि बालबालीकामा पढन पाढनमा समस्या भएको थियो । पथरीशनिश्चरेको ग्रामिण भेगमा रहेको विध्यालयमा अध्यानरत मुसर समुदायका ऋिसिदेव बालबालिकालाई नाल्वोको सहयोगले ठुलो टेवा पुगेको छ ।
















