साइनो समाचारदाता वीरगञ्ज । वेवारिसे शवमा पनि कोरोना संक्रमण भेटिएको छ । वीरगञ्जको घण्टाघरमा मृत भेटिएका अन्दाजी २५ वर्षीय पुरुषमा कोरोना संक्रमणको पुष्टि भएको हो । नेपालमा यसअघि कोरोना संक्रमणबाट १६ जनाको मृत्यु भइसकेको छ ।
वीरगञ्जको घण्टाघरमा भेटिएका मृतकको नाम, थर र ठेगाना हालसम्म खुल्न सकेको छैन । उनको शव पोष्टमार्टमपछि पनि नारायणी अस्पतालमै राखिएको थियो । बेवारिसे शव भए पनि पीसीआर परीक्षणका लागि अस्पतालले स्वाब संकलन गरेको थियो । मृतकको पीसीआर रिपोर्ट पोजेटिभ आएको नारायणी अस्पतालको पीसीआर ल्याब स्रोतले बताएको छ । शव उठाउने लगायतका कार्यमा खटिएका तीन जना प्रहरीलाई क्वारेन्टिनमा राखिएको छ ।
अनलाइनखबरबाट
















