साइनो समाचारदाता पथरी/
मापद्धण्ड विपरित मन्दिर भित्र सामुदायीक भवन बनाएर जातीय र धार्मीक द्धन्द्ध गराउन खोजेको भन्दै स्थानियले नगरलाई ज्ञापन पत्र बुझाएका छन । मोरङको पथरीशनिश्चरे वडा नं. २ ले सामुदायीक भवन मन्दिर भित्र बनाउन थाले पछि स्थानियले नगरलाई ज्ञापन पत्र बुझाएका हुन ।

प्रदेश सरकारको बजेटमा बन्न लागेको सामुदायीक भवन मन्दिरमा भित्र बनाउन थाले पछि विरोध हुदै आएको छ । आम समूदायको भेला नबोलाई उपभोक्ता समिति गठन गरी पथरीशनिश्चरे वडा नम्वर २ ले सामूदायिक भवन निर्माण गर्न थालेको छ । गत जेठ १५ गते सांसद कृष्णकुमारी राईले सामूदायिक भवनको शिलान्यास गरेपछि बिबाद सुरु भएको हो । शिलान्यास भएकै दिन शहरी विकास कार्यालयबाट काम रोक्न निर्देशन दिए पछि वडाले वेवस्था गर्दै काम अघि बढाएको छ ।

विबाद बढ्र्दै गए पछि घटनाले राजनीतिक मोड पाएको छ । नेकपा पक्ष जसरी पनि सामूदायिक भवन मन्दिर परिसरमा बनाएरै छोड्न तिर लागेपछि बिबाद चुलिएको हो । शहरी बिकास कार्यालयले उपभोक्ता समितिलाई तुरुन्त काम रोक्न निर्देशन दिए पनि काम नरोकिए पछि आम उपभोक्ता ज्ञापन पत्र बुझाउन नगरपालिका पुगेका हुन ।
विभिन्न १६ जात जाती र धर्म समुदायले हस्ताक्षर गरेको ज्ञापन पत्रमा मापदण्ड विपरित सामूदायिक भवन बनाउँन थालिएको भन्दै आपत्ति जनाइएको छ । कुनै धर्मको विशेष स्थानमा सामूदायिक भवन बनाउँदा सबै जात, धर्म, लिङ्ग र वर्णको अपनत्व नहुने ज्ञापन पत्रमा उल्लेख छ । ज्ञापन पत्रमा विगतमा जग्गादिने जग्गादाता लगायत १६ वटा संघ संस्था धर्म समुदाय र जातजातीका प्रतिनिधिले हस्ताक्षर गर्नु भएको छ ।
ज्ञापनपत्र बुझ्दै नगरकी उपप्रमुख यमूना बिष्ट बास्तोला विबादका कारण आफ्नै संयोजकमा छानविन समिती बनेको बताउनु भएको छ । छानवीन समितिले काम सुरु गरिसकेको चाडै निष्कर्षमा पुग्ने उहाको भनाई छ ।
















