साइनो समाचारदाता पथरी/
मोरङको पथरी शनिश्चरे १ मा रहेको पञ्चायत माविमा १ करोडको लागतमा अपाङ्गतामैत्री भवन बन्ने भएको छ । सामाजिक विकास मन्त्रालय अन्तरगत शिक्षा विकास निर्देशनालय प्रदेश नं. १ धनकुटाको सहयोगमा १६ कोठे भवन भन्ने भएको हो । सो भवनको २८ गते बुधबार पथरीशनिश्चरे नगरपालिकाका नगर प्रमुख दिलिप कुमार राईले शिलान्यास गर्नु भएको छ ।

प्रमुख अतिथी राईले अब तिनै तहको सरकारले शिप सहितको शिक्षा प्रणालीको बिकास गर्नु पनेमा जोड दिनु भयो । सबैको मेहेनत र सहयोगले विध्यालय धेरै योजना पार्न सफल रहेको बताउदै नगरले आउदो शैक्षिक सत्र देखि स्थानिय पाठ्यक्रमको ब्यावस्था गर्ने योजना रहेको बताउनु भयो ।
सामाजिक विकास मन्त्रालय अन्तरगत २ सय जना बौद्धिक अपांगता भएका बालबालिका अटाउने अपाङ्गतामैत्री भवन सुरु भएको विद्यालयका प्रधानध्यापक अर्जुन कुमार बुढाथोकीले बताउनुभयो । पहिलो योजना अन्तरगत भवन २ तलाको १६ कोठाको बन्ने छ । लकडाउनका कारण ढिलाई भए पनि ५ बर्षै योजनाको नमुना बिद्यालय र अपाङ्गतामैत्री भवनको काम तिब्र गतिमा अघि बढेको प्रधानध्यापक बुढाथोकीले बताउनु भयो ।

प्रदेश नं. १ को नमुना विद्यालयको योजनामा सुरु भएको विद्यालयमा पुर्ण अपाङता भएका विध्यार्थीहरुका लागि आवास निर्माण कार्य समेत सुरु भएको छ । प्रदेश नं. १ मा उत्कृष्ट नतिजा निकाल्न सफल पञ्चायत माविमा विज्ञान, कानुन, प्रबिधिक शिक्षा (सिभिल इन्जनियर), ब्यावस्थापन, शिक्षा र मानवकी शिक्षा संचालनमा रहेको छ ।
















