साइनो समाचारदाता पथरी/
कोरोना भाइरस (कोभिड १९) का कारण देश लकडाउन भएको २ महिना कटि सकेको छ । लकडाउन बिस्तारै खुकुलो हुदै गए पनि निम्न वर्गमा भने झनझन जटिल बन्दै गएको छ । दैनिक ज्याला मजदुरि गरिखाने तथा बिपन्न परिवारलाई बिहान बेलुकिको छाक टार्न धौधौ परेको छ ।

लकडाउनका कारण दैनिक ज्याला मजदुरि गर्नेलाई जिवन धान्न गाह्रो भएको समयमा अमेरिकामा रहेका नेपाली भुटनीजद्धारा राहत वितरण भएको छ ।
शैक्षिक अभियन्ता प्रदिपकुमार राईको पहलमा कानेपोखरी गाँउंपालिका वडा नं ४ को मुसहर बस्तिका ३२ परिवारलाई राहत बितरण गरेको हो । भुटानिज नेपाली अर्गनाइजेशन अफ बाल्टिमोरका सदस्य रहेका डिबि नाछिरिड़ राई र ईन्द्रप्रसाद राईको संयोजनमा उक्त राहत उपलब्ध भएको शैक्षिक अभियन्ता प्रदिपकुमार राईले बताए ।

खोलाको किनारमा बसेर जिविको पार्जन गर्दै आएका मुसहर समुदायमा समस्या आएको थाँहा भए पछि ३२ परिवारलाई २० केजि चामल सहित नुन तेल, साबुन, सोयाबिन वितरण गरिएको छ ।
मोरङ र झापाको भुटानी शरणार्थी शिविर क्यामबाट तेस्रो मुलक गएको अधिकाम्स नेपाली भुटनीजहरुले मोरङ र झापा र नेपालका विभिन्न स्थानमा ठुलो राहत सहयोग पुर्याउदै आएका छन । केहि दिन अघि मात्र पथरीको शिविर र बेलडागीको शिविरमा एक करोड एक लाखको राहत सहयोग वितरण गरेको थियो ।
भुटानिज नेपाली अर्गनाइजेशन अफ बाल्टिमोरबाट डिबि नाछिरिड़ राई र ईन्द्रप्रसाद राईको अगुवाईमा १६ जना युवाहरूले राहतकालागि सहयोग गरेका थिए ।
















