
साइनो समाचारदाता
काठमाडौं । नेपालमा थप ६ जनामा कोभिड १९ को संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । बर्दिया, पर्सा, सिरहा, सर्लाही र चितवन निवासी ६ जनामा कोरोना संक्रमण पुष्टि भएसँगै कोरोना भाइरस संक्रमितको संख्या २ सय ७३ जना पुगेको हो । बर्दियाको नार्खु ११ निवासी २८ वर्षीय महिला, सिरहाको सखुवा–१९ निवासी ३० वर्षीय पुरुष, पर्साको वीरगन्ज निवासी २८ र २९ वर्षीय पुरुष, सर्लाहीको रामनगर ४ निवासी १८ वर्षीया महिला र चितवनको गढौली–१ निवासी २५ वर्षीय महिलामा पुष्टि छ । उनीहरु सबैको स्वास्थ्य अवस्था सामान्य छ ।
२३ हजार ९ सय ३२जनाको पीसीआर परीक्षण गरिएको मध्ये २ सय ७३ संक्रमित भएको पुष्टि भएको हो । आरडीटीबाट ६३ हजार ८५ जनाको परीक्षण गरिएको छ । आजसम्मको स्वास्थ्य तथा जनसंख्या मन्त्रालयमा रहेको तथ्याङ्कमा १५ हजार ६ सय ८३ जना क्वारेन्टाइनमा रहेको, २ सय ६७ जना आइसोलेसन रहेको र ३६ जना निको भएको उल्लेख छ । हालसम्म नेपालमा कोरोनाबाट कसैको मृत्यु भएको छैन । विश्वभरीको कोरोना रिपोटविश्वभरीमा ४३ लाख ४७ हजार ९ सय ३५ जनामा संक्रमित देखिएको र २ लाख ९७ हजार २ सय ४१ जना कोरोनाबाट मृत्यु भएको विश्व स्वास्थ्य संगठनले बताएको छ ।
















