साइनो समाचारदाता
पथरी । लिम्बु विद्यार्थी मञ्चले मातृभाषामा अध्ययन गर्न पाउने संविधान प्रदत्त अधिकारलाई सरकारले मतभेद गरेको आरोप लगाएको छ ।
मञ्चका महासचिब गुल्सन आङ्बुहाङले जारी गरेको विज्ञप्तीमा भनेको छ, नेपाल भित्र बोलिने सबै मातृभाषाहरु राष्ट्रभाषा हुन र सबै समुदायहरुलाई आफ्नो मातृभाषामा अध्ययन गर्न पाउने संविधान प्रदत्त अधिकारलाई सरकारले मतभेदको भाव प्रकट गरेको प्रति लि.वि. मञ्च गम्भिर भत्र्सना गर्दछ । भाषा, लिपि, सस्कार, सस्कृति, ऐतिहासिक तथा पुरातात्विक स्थलहरुको संरक्षण, सम्बद्र्धन र विकासको निम्ति विगत देखि नै संघर्ष गर्दै आएको मञ्चले तत्काल पाठ्यक्रम कार्यान्वयन सम्बन्धी सूचना २०७६, राष्ट्रिय पाठ्यक्रम प्रारुप २०७६ सच्याई मातृभाषाहरुको पाठ्यक्रम निर्माण कार्य तत्काल सुरु गर्न माग गरेको छ । मातृभाषा सम्बन्धी पाठ्यक्रम निर्माण गर्ने र छाप्ने अधिकार स्थानीय सरकारहरुलाई प्रदान गर्दा पाठ्य सामाग्री, अध्यापन शैलीहरुमा एकरुपता नहुने र त्यसले मातृभाषी विद्यार्थीहरुमा नकारात्मक प्रभाव पर्ने मञ्चको भनाइ ।

















