साइनो समाचारदाता
पथरी । मोरङको मिक्लाजुङ गाउपालिका मधुमल्ला बजारमा एक अस्पताल व्यवसायी छत्र डाँगीले दैनिक ३ सय स्थानीयलाई खाना खुवाउँदै आएका छन । लकडाउनका कारण दैनिक ज्याला मजदुरी गर्ने विपन्न परिवारको अवस्था नाजुक बन्दै गएकाले डाँगीले बैशाख २० गतेदेखि निःशुल्क खाना खुवाउँदै आएका हुन् ।
लामो समय लकडाउन कारण घरमा खानाको समस्या भएकोले निःशुल्क खाना खान आउनु परेको बालबालिकाको भनाई छ । लामो समय लकडाउन भएका कारण गाँउपालिकाले दिइने रासन झन्झटिलो भएको र काम गर्न नपाएपछि खानामा समस्या भएकाले दैनिक खाना खान निःशुल्क खाना खुवाउने स्थानमा आउनु परेको स्थानीयको भनाई छ ।
डाँगीले लकडाउनका कारण दैनिक ज्यालामजदुरी गर्दै आएका विपन्न परिवारमा समस्या भएका कारण स्थानीय संघ संस्थाको सहयोगमा ३ सय परिवारलाई खाना खुवाउदै आएको बताएका छन् । डागीले निशुल्क खाना खुवाउन थालेपछि डाँगीलाई हौसला प्रदान गर्न स्थानीय संघ संस्थाहरु समेत सहभागिता जनाएका छन । गाँउपालिकाले सहयोग नगरेको स्थानीय स्वयम सेवक र खाना खान आउने विपन्न परिवार बताउँछन ।



















