गएराती देखि अनवरत परेको वर्षाको कारण पहिरो जादा अवरुद्ध भएको मुग्लिन (नारायणगढ सडक सुचारु भएको छ। मुग्लिन(नारायणगढ सडक अन्तरगत पर्ने इच्छाकामना गाउपालिका ६ जलबिरेमा आज बिहान १०:२० बजे गएको पहिरोका कारण राजमार्ग दुइतर्फी अवरुद्ध भएको थियो।

पहिरो गएको करिब ४० मिनेटमा पहिरो हटाएर राजमार्ग एकतर्फी रुपमा खुलाइएको ईलाका प्रहरी कार्यालय मुग्लिनले जानकारी दिएको छ। राजमार्ग दुइतर्फी संचालन गर्न अझै केही समय लाग्ने प्रहरीले जनाएको छ। पहिरोका कारण राजमार्ग अवरुद्ध हुदा लकडाउनका बेला चलेका अत्यावश्यक सवारी साधनहरु राजमार्गमा नै अलपत्र परेका थिए। -इच्छाकामना न्युज
















