
प्रेमप्रसाद भट्टराई (के.डी)
पथरी । तत्कालीन नेकपा एमालेले आफ्नो किल्लाको रुपमा लिएको मोरङ क्षेत्र नं ३ का स्थानिय तहमा नेपाली काङ्ग्रेसका उम्मेद्धारहरुले जितेका वडा गाउँपालिका तथा नगरहरु कमै छन् । यही कम संख्यामा पर्नेमध्ये अत्यधिक रुचाइएका ब्यक्ति हुन पथरीशनिश्चरे वडा नं १० का वडाध्यक्ष सागर राई ।
स्थानिय तहको निर्वाचनपछि मात्र नभइ बर्षौ अघिदेखि उनि स्थानिय जनतामाझ प्रिय छन् । सबैसंग नम्र भएर बोल्ने, सबैलाई समान ब्यवहार गर्ने उनको बानिले वडा तथा नगरमा उनका विरोधीहरु खासै देखिएका छैनन् । नेपाली काङ्ग्रेसमा आस्था भएपनि सबै पार्टीका ब्यक्तिसँग उनको राम्रो सम्बन्ध रहेको छ । पथरीशनिश्चरे नगरपालिकाको कार्यालय सोहि वडाको भुटानी शरणार्थी शिविरमा हुनुपर्छ भन्ने एजेण्डाले नै उनले चुनाव जितेको स्थानियवासि बताउँछन् । सोही कार्यका लागि उनि पटक पटक विभिन्न मन्त्रालय धाएका समेत छन् । साविक पथरी र शनिश्चरे गा.वि.स मिलेर बनेको पथरीशनिश्चरे नगरपालिकाको कार्यालय सोहि भुभागमा हुनुपर्छ भन्ने शनिश्चरेवासिको माग रहेका कारण वडामा मात्र नभइ तत्कालीन शनिश्चरे गा.वि.समै चर्चामा रहे ।
सबै दलका युवाहरुले उनलाई प्रेरणको श्रोत मान्ने गरेका छन् । लकडाउनको समयमा काठमाडौँमा अलपत्र परेका वडाबासिलाई लिन उनि आफ्ना केही साथिभइहरुलाई साथ लिएर काठ्माडौँ पुगे, तर अलपत्र परेका नगरका अन्य ब्यक्तिलाई छाडेर हिँड्न उनको मनले मानेन । त्यसैले उनले थप यातायातको व्यवस्था गरी सयौँ नागरीकलाई लिएर आए जसकारण नगरका ब्यक्तिहरुमाझ उनि हाइहाइ भए । नगरले बेवास्ता गरेर बिचल्लीमा परेका नागरीकलाई एउटा वडाध्यक्षले सकुशल नगरमा उपस्थित गराए । लाखौँ रुपैयाँ खर्च गरेर ल्याएका वडाध्यक्षलाई न नगरले उचित सम्मान नै गरेको छ, न त सो खर्चको बन्दोबस्त नै गरेको छ ।
नगरमा नेकपाको बर्चस्व रहेका कारण आफ्नो वडाको समस्याहरुको सम्बोधन हुन् आनाकानी हुने गरेको कैयौँ अनुभव उनको रहेको छ । वडामा आफ्नो कामकाजले जाने बृद्धबृद्धाहरुलाई सन्चो बिसन्चो सोध्दै उनले चिया नास्ताको समेत व्यवस्था गर्ने गरेका छन् । आफ्ना नागरीकहरुको समस्यामा रातदिन नभनि साथ दिने वडाध्यक्ष राईबाट जनप्रतिनिधीहरुले पनि शिक्षा लिए हुने ।
















