साइनो समचारदाता पथरी/ विपन्न परिवारका ३१ सुत्केरीलाई राहत बितरण भएको छ । पथरीशनिश्चरे नगरपालिका वडा नं. ६ ले आर्थिक अवस्था कम्जोर भएका सुत्केरी महिलाहरुलाई २५ केजि चामल, न्यानो कपडा, एक केजि घ्यू, २ लिटर तेल, झुल, तेल साबुन वितरण गरेको हो ।
राहत पाउनेमा अधिकाम्स मुरहर समुदायमा अति विपन्न परिवार रहेका छन । उनिहरुलाई सानो भए पनि खुसी दिलाउन वडाले राहत बितरण गर्दै आएको छ ।
एक दाम्पतीले दुई पटक सम्म सुत्केरी हुदा वडाले एउटा भाले, नुन, तेल, चामल र झुल वितरण गर्दै आएको छ ।
वडाले ७५ सालको बिपन्न कोषबाट आर्थिक अवस्था कम्जोर भएका सुत्केरीहरुलाई नगर प्रमुख दिलिप कुमार राई र वडाध्यक्ष जयबहादुर तामाङले घरमै गएर राहत वितरण गरेका हुन ।
कोरोना संक्रमणले नगरमा आउन असहज भएको र रोजगारीमा जान नपाएकाले दैनिक ज्याला मज्दुर गरेर खान समस्या भए पछि राहत घर घरमा पुर्याएको वडाध्यक्ष जयबहादुर तामाङले बताए ।
घर घरमा गएर राहत बितरण गर्दै पथरीशनिश्चेका मेयर दिलिप कुमार राईले देश आपतकालिन अवस्थामा रहेकाले सबैले नगरबासीले स्वयम सुरक्षीत रहेर नगरलाई सहयोग गर्न अनुरोध गर्नु भएको छ ।


















