साइनो समाचारदाता पथरी/ विश्वभर कोरोना भाइरसको संक्रमण त्रास छाइरहेको छ भने नेपालमा पनि यस्को संक्रमणमा बढ्दै गएको देखिन्छ । शक्तिशाली राष्ट्रहरु समेत यस रोगबाट पीडित बनिरहेका छन् । यो रोग नियन्त्रणका लागि भइरहेका प्रयासहरु हालसम्म सफल बन्न सकेका छैनन् ।
यतिबेला नेपालमा पनि कोरोना भाइरसको संक्रमण ५ जनामा भेटिएको छ भने अन्य संक्रमण फैलिन नदिन देश नै लकडाउन गरिएको छ । सरकारले मुलुक बाहिरबाट स्वदेश फर्केका नागरिकहरुलाई अनिर्वाय १४ दिन क्वारेन्टाइनमा बस्नु अनुरोध गरेको छ ।
सोहि अनुरुप प्रदेश नं. १ को ३ ठाँउ झापा, मोरङ र उदयपुरमा नेपाल आर्मीको पुर्वी पृतना मुख्यालयले क्वारेन्टाइन सेवा सुरु गरि रहेको छ । प्रदेश नं. १ सरकारको समन्वयमा नेपाली सेना पुर्वि पृतना मुख्यालयले मोरङको टाडीमा रहेको सुर्यदल गणमा ९२ जना क्वारेन्टाइनमा बसीसकेका छन ।

उक्त क्यारेनटाइनमा फान्सबाट कतार हुदै नेपाल आएकी १९ बर्षिय युवती जस्लाई कोरोना पोजेटिभ भेटियो उनि संगै आएका पथरीशनिश्चरेका र ताप्लेजुङका १/१ जना संगै ९२ जना रहेका छन । चैत्र १० गतेबाट सेवा सुरु भएको टाडी आर्मी ब्यारेकमा ९२ जनाले सेवा लिएका छन । जस्मा ६ जना कुनै लक्षण नदेखिए पछि घर समेत फर्कि सकेका सेनानि प्रबेश दाहालले बताएका छन ।
मोरङको टाँडीमा नेपाली सेनाले तयार पारेको क्वारेन्टाइन स्थलमा बिभिन्न नगरले आफ्ना नगरमा बिदेशबाट आएका ब्याक्ती पठाउने र उनिहरुको स्वास्थ्य उपचार, खानपान देखि सुरक्षाको व्यवस्थाको जानकारी लिन आउने गरेका छन ।
मोरङको टाडीमा आर्मी क्याममा रहेको क्यारेनटाइनको अवस्था नजिकबाट बुझेका पथरीशनिश्चरे नगरपालीकाका स्वास्थ संयोजक मुरारी आचार्य सम्पुर्ण कुराको ब्यावस्थापन राम्रो रहेको बताएका छन ।
आफ्नो वटामा कतारबाट आएका २ जना टाडीको क्यारेनटाइनमा रहेको दुबैको अवस्था सामान्य रहेको र टाडीमा रहेको क्यारेनटाइन सबै सेवा सुबिधा रहेको पथरीशनिश्चरे नगरपालिका वडा नं. ६ का वडाध्यक्ष जयबहादुर तामाङले बताए ।
यहाँ बैदेशिक रोजगारबाट आएका र भारतबाट प्रदेशका दुई नाका प्रयोग गरी नेपालमा भित्रिएका ९२ जना मानिस राखिएको छ । जसमा ६ जना घर फर्किसकेका छन् . अहिले ६ भारतीयसहित बैदेशिक रोजगारबाट फर्किएका १५ नेपाली र तीनका परिवार त्यसैगरी भारतबाट फर्कर्ने क्रममा काकडभिट्टा र रानी नाका प्रयोग गरेका नेपालीलाई क्वारेन्टाइन स्थलमा राखिएको छ . सुर्यदल गण टाँडीले उनीहरुको ब्यवस्थापन गर्दै आएको छ । क्वारेन्टाइनमा स्थानीय सरकारको सिफारिसमा मात्र राख्ने गरिएको छ ।


















