साइनो समाचारदाता पथरी/ पैसा र भक्ताका कारण बिभिन्न बिबादमा फस्दै आएका जनप्रतिनीधीको समचार आइरहदा पथरीशनिश्चरे नगरपालिका वडा नं. १० का वडाध्यक्ष सागर राई भने सामाजिक कार्य दिल खोलेर लागेका छन । गरिव र रोगिको सेवा गर्न आफ्नो सबै काम छाडेर लाग्ने गरेको वडा नं. १० का बासिन्दा बताउछन । आफ्नो सेवा सुबिधाबाट आएको एक एक पैसा जोहो गर्दै वडाका धेरै बिरामीको उपचार गरिरहेका छन ।

न्युन आर्थिक अवस्था भएकै कारण उपचारबाट बञ्चित वडा नम्वर १० की दिर्घरोगी उमा विश्वकर्मालाई नगद १० हजार सहयोग प्रदान गरेका छन । राईले सो रकम आफ्नो मासीक तलब भक्ताबाट कटाएर सहयोग गरेका हुन । लामो समय भारतमा बसेर आएकी उमालाई दिर्घरोग लागेको थाहा पाए पछि वडाध्यक्ष राईले आफ्नो तलव भक्ताको केहि रकम उपचारमा सहयोग गरेको बताए । राईले आफ्नो वडामा बिरामी भएको थाहाँ पाए पछि घरमै गएर उपचारका लागि अस्पताल पुर्याउने गरेका छन भने बिदेशका अलपत्र भएका ब्याक्ती र मृत्यू भएका ब्याक्तीलाई नेपाल झिकाउन मन्त्रालय सम्म आफै पुग्ने र सहयोग रकम जुटाउने गरेका छन ।
युवा जोस जागर भएका वडाध्यक्ष थोरै बोल्ने धेरै काम गरेर देखाउदै भष्ट्रचार बिरुद्ध चर्को र कडा सैलिमा प्रस्तुत हुने गरेका छन । नोवेल अस्पताल विराटनगर र डा. सुनिल शर्माको सहयोगले वडाका बिरामीको उपचार गराउन आफुलाई समस्या नरहेको राईको भनाई छ ।

समाजको लागि आफ्नो आर्थिक, भौतिक र मानबिय हिसाबले सकेसम्म सहयोग गर्दै आइरहेका वडा अध्यक्ष राईले आफ्नो वडाभरी सडक बत्ती लगाएर उज्यालो वडा बनाई रहेका छन । वडालाई सुबिधा सम्पन्न पार्न नगर, प्रदेश र केन्द्रीय सरकार संग पहल गरि बाटो र बिजुली घर घर सम्म पुर्याएका छन ।
गएको स्थानीय चुनावमा नेपाली काङग्रेसका तर्फबाट वडा नं. १० मा वडाध्यक्ष राई मात्र विजयी भएका थिए भने एक जना वडा सदस्य तत्कालीन माओवादी र ३ जना वडा सदस्य तत्कालीन एमालेबाट विजयी भएका थिए । जनप्रतिनिधि हुनु भन्दा अगाडी देखि नै सामाजिक कार्यमा सक्रिय रहेकाले वडा बासीले उनलाई विजयी बनाएका हुन । उनको सामाजिक कार्यले गर्दा ६ बर्ष अगाडी इलाका प्रहरी कार्यलय पथरीले असल नागरीक घोषण गरेको थियो ।
















