
साइनो समाचारदाता
ताप्लेजुङ । ताप्लेजुङको मुकाम फुङ्लिङमा रहेको तागेरा होटलमा एक पुरुष मृत भेटिएका जिल्ला प्रहरी कार्यालयले जनाएको छ । मोरङ पथरी शनिश्चरे नगरपालिका वडा नं ९ बस्ने ३६ वर्षीय अशोक भनिने भीमकुमार मादेन मृत भेटिएको प्रहरी निरीक्षक विष्णुबहादुर खड्काले जानकारी दिए ।
उनका अनुसार ताप्लेजुङ घुम्न आएको र उनी होटल बुक गरेर कोठामा छिरेका थिए । महिला आफन्तसहित होटलमा बसेका मादेनको मृत्यु भएपछि ती महिला आफन्त र होटल साहुले प्रहरीलाई खबर गरेका थिए । उनको साथबाट उनले प्रयोग गर्दै आएका मुटुको औषधि पनि भेटिएको प्रहरीले जनाएको छ । ‘मृतक मादेन प्रेशर र मुटुका बिरामी रहेको थियो ।’ प्रहरी निरीक्षक खड्काले भने ‘उनको मृत्यु सोहि रोगका कारण हुनसक्ने प्रारम्भिक अनुमान गरेका छौ।’ प्रहरीले घटनाका बारेमा थप अनुसन्धान गरिरहेको छ ।
















