साइनो समचारदाता
पथरी । शान्ति सामुदायिक वन उपभोक्ता समूह (पथरी शनिश्चरे १, मोरङ) को निर्वाचन परिणाम वहीबार १० बजे आएको छ । विहान ७ वजेदेखि सुरु मतदान प्रक्रिया दिउसो ३ वजेसम्म मतदान गर्ने कार्यक्रम तय गरिएको थियो ।
सदस्य तर्फको खुल्ला निर्वाचनमा सन्जिब गिरी ३ सय ५८ मत, पूर्णबहादुर तामाङ ३ सय ८१ मत, कोषबहादुर (केशब) विष्ट ३ सय ६१ मत, सोमराज राई ३ सय १७ मत, मिलन राई ३ सय ४५ मत प्राप्त गरी विजयी भएका छन् । ५ जनाको कोटामा १४ जनाको उम्मेदवारी दिएको थियो । पुन्यबहादुर तामाङ २९८ मत, कृष्णबहादुर नेम्बाङ २५२ मत, काठबहादुर धिमाल २५५ मत, टंकप्रसाद उप्रेती १५२, भेषकुमार राई १७२ मत, कृष्णप्रसाद लिम्बु २५६ मत, रोइबहादुर चौहान १४४ मत, मधुकर राई २१३ र विश्व राई २२९ मत प्राप्त गरी पराजित भएका छन् । महिला सदस्यतर्फ ५ जनाको कोटामा ९ जनाको उम्मेदवरी परेको थियो । ती मध्ये बिन्दना कट्टेल ४३८ मत, सीता धिमाल ५१८ मत, सुबद्रा निरौला विष्ट ४२४ मत, सरिता राई लिम्बु ४१७ मत र सीता घले ४३७ मत प्राप्त गरी सदस्यमा चुनिएका छन् भने निर्मला भट्टराई ३९३ मत, हरिमाया गुरागाई प्रसाई ३१४ मत, पदमा तामाङ ३४९ मत र शान्तादेवी चापागाईँ घिमिरे २५६ मत प्राप्त गरी चुनिएनन् ।
आदिवासी जनजाति सदस्यतर्फ ३ उम्मेदवारी मध्ये एक विजयी भएका छन् । इन्द्रबहादुर (आईबि) राई २७४ मत र मनमाया मगर २३४ मत प्राप्त गरी पराजित भएका छन् भने १ मतको अन्तरले २७५ मत प्राप्त गरी मनकुमार राई विजय भएका छन् । बनमा १ हजाार २१ मतदाता रहेका मध्ये ९ सय ७९ जनाले मत खसालेका थिए ।
यसअघि अध्यक्षसहित मुख्य पदका लागि सहमति भएको थियो । बनको नवौं चुनाबी साधारण सभाले समितिको अध्यक्षमा पुन केवि गुरुङ नै सर्वसम्मत निर्वाचित भएका छन् । यस अघि समितिको सदस्य पदमा रहेका प्रकाश थापाको पनि अध्यक्षमा उम्मेद्धारी रहेको थियो तर सहमतिमा उनलाई सह अध्यक्ष बनाइने भएपछि अध्यक्ष र सहअध्यक्षमा क्रमशः गुरुङ र थापा निर्वा्चित भएका हुन् । समितिको उपाध्यक्षमा साजन धिमाल, हेमभक्त गुरुङ, सचिवमा मेनुका राई, सहसचिवमा नवराज मिश्र र कोषाध्यक्षमा कुलमणि गुरुङ चयन भएका हुन् । उपाध्यक्ष मध्ये धिमाल निवर्तमान सदस्य, गुरुङ निवर्तमान उपाध्यक्ष थिए । राई पुनः सचिवमा निर्वाचित भएकी हुन् । लेखा सुपरिक्षण समितिको संयोजकमा तुलसी बस्नेत तथा सदस्यद्वयमा रमिला थापा मगर र नरेन्द्र घिसिङ निर्वाचित भएका छन् ।


















