प्रधानमन्त्री ओली बैठकमा सहभागी हुने क्रममा । तस्वीरः चेतन अधिकारीको फेसबुकबाट
साइनो समचारदाता
काठमाडौ । प्रधानमन्त्री केपी शर्मा ओली अहिले सिंगापुरमा स्वास्थ्य परिक्षणको क्रममा छन् । ओली नेतृत्वको मन्त्रिपरिषद्का मन्त्रीहरु नेपालमै छन् । अब यस्तो अवस्थामा बैठक सम्भब होला ? तर सोमबार भिडिओ कन्फेरेन्समार्फत् मन्त्रिपरिषद बैठक चलाएका छन् । प्रधानमन्त्री विदेश भएको बेला बसेको बैठक यो पहिलो बैठक हो ।

प्रधानमन्त्रीका प्रेस सहयोगी चेतन सापकोटाले कन्फेरेन्समार्फत् मन्त्रिपरिषद् बैठक बसेको फोटो फेसबुकमा सार्वजनिक भएको पोष्ट गरेका छन् । सापकोटाले फोटो पोस्टमा प्रधानमन्त्री र मन्त्रीहरुको फोटो सेयर गद प्रधानमन्त्री मन्त्रिपरिषद् बैठकमा सरिक रहेको उल्लेख गरेका छन् । प्रधानमन्त्री सिंगापुर जानुअघि मन्त्रिपरिषद् बैठकले भिडिओ कन्फेरेन्समार्फत् पनि मन्त्रिपरिषद् बैठक डाक्न सकिने निर्णय गरेकाले यो बैठक सम्भब भएको हो । प्रधानमन्त्री ओलीले ट्वीट गर्दै प्रविधि र प्राविधिकलाई धन्यवाद दिएका छन् । ‘मन्त्रिपरिषद्का सबै सहभागी र सचिवालयका सहयोगीलाई धन्यवाद’, ओलीले ट्वीट गरेका छन्।

















