तिम्बुङ पोखरीमा निर्माण भएको संरचनाको विरोध किन ? - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • आइतबार, बैशाख ०९, २०८१

तिम्बुङ पोखरीमा निर्माण भएको संरचनाको विरोध किन ?

लन्डन(बेलायत) । पर्यटकीय क्षेत्र तिम्बुङ पोखरीमा निर्माण भइरहेको मन्दिरलाइ लिएर विरोध किन भइरहेको छ ? ताप्लेजुङ र पान्थरको सिमानामा रहेको निर्माणाधिन मन्दिरलाई लिएर संस्थागत सुरुमा १८ वटा आदिवासीय संघ संस्थाहरूले विरोध जनाएको थियो । त्यसपछि लगालत समुदायगत विभिन्न सङ्गठनहरूले आफ्नो संस्थागत धारणा सार्वजनिक गर्दै निर्माण कार्यप्रति आक्रोश पोखेका छन् । सुरुमा सामाजिक सञ्जालमा आलोचना र समर्थन देखिएको सो घट्नाबारे अहिले संस्थागत बहस र छलफल बढ्दो छ ।

बेलायतको लिम्बुवान नागरिक समाजले लिम्बुवान क्षेत्रमा भइरहेको साँस्कृतिक हस्तक्षेपले समाजमा विग्रह ल्याउने धारण सार्वजनिक गरेको छ । समाजका अध्यक्ष छत्र वनेम र महासचिव लाहाङ चेम्जोङले जारी गरेको विज्ञप्तिमार्फत् संवाद, समझदारी र सहमतिमार्फत् अघि बढ्न राज्यका निकायलाई आग्रह गरेको छ । तिम्बुङ पोखरीमा सँस्कृति, पर्यटन तथा नागरिक उड्डयन मन्त्रालयको ५० लाख रूपैयाँ र सिदिङ्वा गाउँपालिकाको पाँच लाख रूपैयाँ लागतमा मन्दिर निर्माण भइरहेको छ । सामाजिक सञ्जालमार्फत विष्णु मन्दिरका रूपमा यहीँ नाग पञ्चमीका दिन उद्घाटन हुने कुरा सार्वजनिक भएपछि एकाएक विरोध र आलोचना सुरु भएको थियो । बुधबार मात्रै संयुक्त बैठक बसेर चुम्लुङ नेपाल, कियाचु लिम्बु साँस्कृतिक परिषद, लिम्बु विद्यार्थी मञ्च, लिम्बुवान स्प्रिङ आन्दोलन, याक्थुङ युवा मञ्च, याक्थुङ लेखक सङ्घ, बेघा समाज, माङ्मू समाज, खुदाङ समाज लगायत संस्थाहरूले पोखरी परिसरमा निर्माण भइरहेको संरचना हटाउन माग गरेका छन् ।

परम्परागत याक्थुङ सँस्कार सँस्कृतिको वकालत गर्दै आएको युमा साम्यो महासभा नेपालले गत साउन ११ गते विज्ञप्ति जारी गर्दै तिम्बुङ वरक(पोखरी) एक महत्वपूर्ण मुन्धुमी स्थल भएको जनाएको छ । ‘मन्दिर निर्माण कार्यले परापूर्वकालदेखि एक प्राकृतिक शक्तिका रूपमा पूजाआजा गरिने याक्थुङ समुदायको परम्परागत आस्था र विश्वास उपर गम्भीर आँच पुगेको छ,’ जारी विज्ञप्तिमा भनिएको छ, ‘राज्य या अन्य पक्षले विकासका परियोजनाहरू अगाडि बढाउँदा सरोकारवाला समुदाय र संघसंस्थाहरूको सहभागिताले मात्र परियोजना विवादरहित बनाउन सक्छ ।’ अध्यक्ष देवेन्द्रकुमार वनेमद्वारा हस्ताक्षरित विज्ञप्तिमा तिम्बुङ पोखरीको नाम परिवर्तन हुने गरी भइरहेको चलखेलप्रति आफ्नो गम्भीर ध्यानकर्षण भएको जनाएको छ । युमा साम्यो महासभा अन्तर्राष्ट्रिय समन्वय समितिले पनि प्रेस विज्ञप्ति जारी गरेर मन्दिर निर्माणको विरोध गरेको छ । १२ राष्ट्रहरूको सञ्जालका रूपमा रहेको समितिका अध्यक्ष लोकेन्द्र तबेबुङ र महासचिव धनराज साम्याङ्खामको हस्ताक्षरमा प्रकाशित भएको विज्ञप्तिमार्फत् विष्णु मन्दिरको निर्माणले साँस्कृतिक हस्तक्षेप निम्त्याएको आरोप लगाएको छ । त्यस्तै, युमा साम्यो महासभा यूकेका अध्यक्ष टङ्क वनेमले पनि वक्तव्य जारी गर्दै प्राकृतिक र मुन्धुमी सम्पदाका रूपमा रहेको तिम्बुङ वरकमा कुनै पनि भौतिक संरचना निर्माण गरिनु राष्ट्रिय कानून ऐन र अन्तर्राष्ट्रिय सन्धीहरू विपरीत रहेको ठहर गरेको छ । ‘मन्दिर बनाउने कार्य प्राकृतिक सम्पदालाई यथावत् अवस्थामै संरक्षण गर्नुपर्ने विश्वव्यापी मान्यता, आईएलओ अभिसन्धि १६९, यूएनड्रिप, स्थानीय सरकार सञ्चालन ऐन २०७४, सर्वोच्च अदालतले २०७४ कात्तिक ८ मा जारी गरेको परमादेशविपरीत छ,’ विज्ञप्तिमा उल्लेख छ । युमा साम्यो महासभा मलेसियाका अध्यक्ष उदय चोङवाङ क्याक र सचिव सुमन येक्तेन समेतले विज्ञप्ति जारी गरेर आफ्नो ध्यानाकर्षण भएको जनाएको छ ।

लिम्बुवान स्प्रीङ आन्दोलनका अभियान्ता इक्साहाङ चेम्जोङले मौलिक पहिचान बोकेको, ऐतिहासिक स्थल तिम्बुङ पोखरीलाई जबर्जस्ती बिष्णु पोखरी बनाउने दुस्प्रयास गरि रहेको अवस्थामा पहिचान प्रेमीहरु चुप बसेर हातमा दहि जमाएर टुलुटुलु रमिता हेरेर नबस्ने जनाए । आन्दोलनले चेम्जोङलाई संयोजकको जिम्मा दिएर विरोध स्वरुप लङमार्च कार्यक्रम गर्ने भएको छ ।

 

 

सम्बन्धित खवर