पथरी । मोरङ्गको पथरी वजारमा भएको सडक दुर्घटनामा एकको मृत्यु भएको छ । दुर्घटनामा बसका सहचाल टिकाराम थापाको उपचारको क्रममा मृत्यू भएको छ भने सुन्दरहरैचा १२ का दिनेश अधिकारी घटना स्थलमै मृत्यू भएको छ। दुर्घटनामा २ जना गम्भिर घाइते भएका छन् भने २६ जना सामान्य घाईते भएको इलाका प्रहरी कार्यलय पथरीले बताएको छ । पुर्व पश्चिम महेन्द्र राजमार्गमा पर्ने पथरी वजारको पश्चिम पथरीखोला नजिकै भएको हो। पुर्व वाट पश्चिम जादै गरेको मे १ च ५३९१ नम्वरको पिकअप लाई जोगाउन खोज्दा कानेपोखरीवाट काकडभिट्टा जादै गरेको को १ ख ४८४२ नम्वरको वस विच सडकमा पल्टिएको थियो ।
पथरी प्रहरीका अनुसार सो वसमा यात्रारत मोरङ्ग उर्लावारीकी १३ वर्षीय अस्मिता खतिवडा, वर्ष ६ कि अविना खतिवडा, दमक कि १३ वर्षिय प्रविना भटराई, उर्लावारी ५ का इन्द्रमाया गुरुङ्ग, अर्जुनधारा झापाका अभिषेक कार्की, कानेपोखरी ३ का चित्र दहाल, सोहि ठाउका श्रवण दहाल, सोहि ठाउका निर्मल गिरी, श्याम कार्की, टिकाराम थापा, मदन कुमारी चापागाँइ, सुकदेव धिमाल, जिवन वराइली, प्रेम कार्की रहेको प्रहरीले जनाएको छ । प्रहरीका अनुसार केहि घाइतेलाई विराटनगर स्थीत नोवल मेडिकल कलेजमा लगिएको छ ।
ग्रामीण भेगवाट संचालन हुने सो यात्रुवाहक वसमा बालबालिका वृद्ध र महिला वढी रहेको प्रहरीले जनाएको छ । वसमा ३५ भन्दा वढि यात्रु रहेको प्रहरीको भनाइ छ । पिकअपमा भने चालक मात्र रहेको र चालक पनि गम्भिर घाइते भएका छन् । उनको पहिचान खुल्न सकेको छैन् ।
