साइनो समचारदाता
चुलाचुली(इलाम)। विश्वव्यापीकरणमा ग्रामीण सौन्दर्यको खोजिझ नारा रहेको चुलाचुली रंग मञ्चले शैक्षिक पाठ्यक्रमलाई आधार मानेर ‘चुलाचुली पाठशाला नाटक उत्सव–२०७६’ सुरु भएको छ । सामुदायिक कर्वड हल चुलाचुली ३, इलाममा झापा धरमपुरको सिकिया पुस्तकालयको नाटक ‘मंगली’, श्री अमृत मेमोरियल बोर्डिङ, इलामको ‘लौरी’, श्री चुलाचुली बोर्डिङ स्कुल, इलामको ‘दुई केटी’ मञ्चन भइरहेको छ ।
शनिबारदेखि चुलाचुली रंगमञ्च र सुरूवात थिएटर, क्रियटिभ जर्नी फाउन्डेसन तास्मनीया अष्ट्रेलियासंगको संयुक्त आयोजना उत्सब सुरु भएको हो । सम्मुद्घाट्न कार्यक्रममा प्रमुख अतिथि गायक तथा साहित्यकार गणेश रसिक, विशिष्ट अतिथि चुलाचुली गाउँपालिका अध्यक्ष प्रदिप चन्द्र राईलगायतले सम्बोधन गर्ने कार्यक्रम रहेको छ । भोलि असार १ गते मञ्चन हुन गइरहेको नाटक उत्सवमा जुनियर ६ निर्देशकहरूको ६ वटा फरक विषयमा रहेको नाटक मञ्चन हुनेभएको छ । दोस्रो दिन मञ्चन हुने नाटकहरू जनता माध्यमिक विद्यालय, इलामको ‘पुनः मिलन’, झापाको परिवर्तन थिएटरको ‘छुई’, श्री अंन्तु एकेडेमी, इलामको ‘चमेली’ नाटक मञ्चन हुदैछ ।
२ लाख ५० हजार बढी खर्च हुने नाटक उत्सवमा झापा कदम थिएटर, मानव कम्प्युटर इन्स्टिच्युट, चुलाचुलीको सहकार्यमा आयोजना भइरहेको छ । चुलाचुली गाउँपालिका र गाउँपालिका रहेको ६ वटा वडा कार्यालयहरूको समेत समन्वय रहने आयोजकले जानकारी गराएको छन् ।