लाक्पा जी शेर्पा
खिजीदेम्बा (ओखलढुंगा) । ओखलढुंगाको खिजीदेम्बा वडा नं. ९ स्थित शिवालय मावि छेर्मा्दिङ पात्लेमा शेर्पा भाषाको शिक्षण सुरु गरेको छ । स्थानीय विषय अन्तर्गत कक्षा १ र २ सम्म शेर्पा भाषामा पठनपाठन शुरु गरेको हो । पठनपाठनका लागि विद्यालयले विद्यालयको आन्तरिक स्रोतबाट पुस्तक खरिद गरी विद्यार्थीहरुलाई निःशुल्क प्रदान गरी कक्षा शुरु गरिएको प्रधानाध्यापक भानुभक्त नेपालले जानकारी दिए । त्यस्तै, आन्तरिक स्रोतबाटै भाषागत शिक्षकको व्यवस्था गरेको नेपालले बताए ।
हिमाली शिशु उपहार नामक पाठ्यक्रम लागू गरेपछि उप्रान्त विद्यार्थीहरुले शेर्पा भाषा र साम्भोटा लिपी अध्यायन गर्ने छन् । साथमा उनीहरुलाई शेर्पा संस्कृति र बौद्ध संस्कार पनि सिकाइने विद्यालय व्यवस्थापन समितिका अध्यक्ष लाक्पा जी शेर्पाले जानकारी दिए । शेर्पा समुदायको वाहुल्यता रहेको विद्यालयमा केही बर्षअघि पनि शेर्पा भाषा लागू गरेको भएपनि शिक्षकलाई तलव दिने स्रोत नहुँदा पठनपाठन वन्द गर्नुपरेको थियो । विद्यालयले कक्षा ५ सम्म शेर्पा भाषा पाठ्यक्रम लागू गराउने लक्ष्य लिएको छ । कक्षा सुरुसँगै उनीहरुलाई गुम्बा शिक्षाका लागि समेत सहज हुने छ । उनीहरुले बौद्ध संस्कार अनुसार पूजापाठ गर्न, आफ्नो भाषामा पढ्न, संवाद गर्न सक्नेछन् । त्यस्तै, विद्यालयले यस शैक्षिक सत्रको देखि विद्युतीय हाजिरी लागू गर्ने निर्णय समेत गरेको छ । शिक्षकहरुको नियमित उपस्थिती गराई शैक्षिण गुणस्तर अभिवृद्धि गर्ने हेतुले विद्युतीय हाजिरी लागू गर्ने निर्णय गरेको हो । त्यस्तै, इन्टरनेट र सीसी क्यामेरा जडानका लागि समेत प्रक्रिया अघि बढिरहेको समितिका अध्यक्ष शेर्पाले जनाएका छन् ।
यसअघि वैशाख ५ गते बसेको व्यवस्थापन समितिको वैठकले विद्यालयमा मायाप्रित, हिन्दी, अंग्रेजी गीत, संगीत निषेध गर्ने र त्यसका सट्टामा बाल तथा राष्ट्रिय भावले ओतप्रोत गीतहरु प्रसारण गर्ने समेत निर्णय गरेको छ । त्यस्तै, शिक्षक, कर्मचारी र विद्यार्थीलाई पोषक समेत अनिवार्य गरेको छ ।

















