साइनो समचारदाता
पथरी । मोरङको पथरीशनिश्चरेमा बस्दै आएकी रिना बस्नेतको रहस्यमय मृत्यू भएको ७ दिन बिति सक्दा पनि सत्य तथ्य बाहिर आएको छैन । सत्य तथ्य बाहिर नआएपछि नगरका महिलाहरुले दोषीलाई कावाही माग गर्दै इलाका प्रहरी कार्यालयमा शनिबार धर्ना दिएका छन ।
नगर महिला फेडेरेसन, पथरी बहुमुखी क्याम्पस र संर्घस समितिले प्लेकार्ड सहित परिक्रमा गरि ईलाका प्रहरी कार्यालयमा ज्ञापन पत्र बुझाएका छन । परिक्रमा पछि कोण सभा भएको थियो । सभामा फेडेरेसनकी संयोजक गोमा दाहालले घटनाको सत्य तथ्य छानबिन गरी दोसीलाई कार्वाही गरि प्रहरी माथिको बिस्वश्नीयता कायम राख्न आग्रह गरेकी छिन् ।
स्वतन्त्र विद्यार्थी युनियन, पथरी बहुमुखी क्याम्पसकी उप सभापति निता कुलुङ राईले शान्ति सुरक्षा फितलो भएको कारण क्याम्पस हिडेका बिद्यार्थी घर फर्किने हो कि हैन ? भन्ने स्थिति आएकाले प्रहरी प्रसाशनले शान्ति सुरक्षा कायम गरी मृतक रिनाको दोषीलाई सार्वजनिक गर्न माग गरेकी छन । प्रहरीले हत्यालाई आत्मा हत्या भनेर साबित गर्न खोजेको भन्दै संर्घष समितिकी संयोजक कविता पराजुलीले आपति जनाइन् । यदि प्रहरीले हत्यारालाई चाडो भन्दा चाडो कानुनी दायरामा नल्याए प्रहरी प्रसाशन प्रति नगरबासी चुप लागेर नबस्ने पराजुलीले चेतावनी दिइन् । महिलाहरुले ‘शान्ती सुरक्षा कायम गर’, ‘रिनालाई न्याय दे’, ‘रिना हत्याको निस्पक्ष अनुसन्धान गर’ जस्ता प्ले काड बोकी नारा लगाएका थिए ।
शनिबार बिहान पथरी १ मा कस्मेटिक पसल सञ्चालन गर्दै आएकी २९ वर्षीया रिना बस्नेतको नग्न अबस्थामा शव भेटिएको थियो । घटना पछि स्थानीयले प्रदर्शन गर्दै आएका छन् ।
