गोपाल काफ्ले
पथरी । लर्डबुद्ध बचत तथा ऋण सहकारी संस्था लि.पथरी शनिश्चरे मोरङले ७० बर्ष नाघेका आफ्ना सेयर सदस्यहरुलाई एक वर्षअघिदेखि पेन्सन बितरण गरिरहेको छ । पेन्सन कार्यक्रम नेपालमै पहिलो पटक सुरु गरेको सस्थाको दाबी छ ।
सहकारीले ६१ बर्ष नलाघेका ब्यक्तीहरुलाई सेयर सदस्य खुल्ला गरेको र ९ बर्षसम्म मासिक बचत गरी कारोवार गर्ने आफ्ना सेयर सदस्यहरु पेन्सन बितरण गर्न सुरु गरेको ब्यवस्थापक गणेश बाछान्ना राईले बताएका छन् । पेन्सनबाट ज्येष्ट नागरिक सेयर सदस्यले जीवनको उत्तरार्धमा सानो तिनो खर्चका लागि कसैको बाटो कुर्नु नपर्ने भएको छ । सहकारीले आफ्ना सेयर सदस्यको मन जित्न र भविष्यको सहारा बन्न खोजेकाले सहकारीमा सेयर सदस्य बन्नका लागि चाम बढेको ब्यवस्थापक राईको भनाइ छ । जेष्ट सदस्य र आम सदस्यमा लोकप्रिय बन्नुको कारण छोरा छोरी र ज्येष्ट सदस्यहरुले चाहेको साना तिना आधारभुत आवश्यकता पुरा गर्न नसकी रहेको अवस्थामा लर्ड बुद्धले पुरा गरिदिएकाले लर्ड बुद्ध सहकारी छोरा छोरी जस्तै बनेको सचिव महेन्द्र ढुङगानाले बताए । लर्ड बुद्ध सहकारीले गरेका कार्य सबैको नजरमा लोकप्रिय बन्दै आएको र ज्येष्ट सदस्यहरुको नजरमा त बुढेशकालको सहारा टेक्ने लौरो भएको अध्यक्ष धनराज राईले बताए । सस्थामा आबद्ध सेयर सदस्यले सन्तान भए पनि टाढा भएका र निःसन्तान जेष्ठ नागरिकहरुले आफु छोरा छोरीबाट टाढा भएको कहित्यै महसुस गर्नु नपर्ने भएको छ । सस्थाले छोराछोरी जस्तै जेष्ठ तिर्थाटन, केक काटेर जन्म दिन मनाउने, बार्षिक सम्मान, १ प्रतिशत बढि ब्याज प्रदान, मासिक बचत मिनाहलगायत जेष्ठ नागरिकको लागि बर्षमा ८ ओटा कार्यक्रम चलाउँदै आएको छ । संस्थाले ७० बर्षदेखि माथिका आफ्ना ११ जना जेष्ठ सेयर सदस्यहरुलाई मासिक ४ सयको दरले ३÷३ महिनामा १२ सय आजीवन भत्ता (पेन्सन) वितरण गर्दै आएको छ । हाल सस्थामा ११ जना जेष्ठ सेयर सदस्यले २०७४ बैशाखदेखि पेन्सन पाउदै आएका छन । भने २०७६ साल बैशाखदेखि मासिक रु.६००।– का दरले प्राप्त गर्ने छन ।

















