संघीय समाजवादी र माओवादी केन्द्र एकीकृत - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • मङ्गलबार, जेठ ०८, २०८१

संघीय समाजवादी र माओवादी केन्द्र एकीकृत

साइनो समचारदाता
काठमाडौं । संघीय समाजवादी फोरम नेपाल (ससफो) र माओवादी कम्युनिष्ट केन्द्रबीच सोमबार पार्टी एकीकरण भएको छ । राजधानीको पुस्पलालपथ, खुशिबुँस्थित नेपाः ब्यान्क्वेटमा आयोजित एकता घोषणा कार्यक्रममा दुई दलबीच एकीकरण घोषणा गरिएको हो ।
केशव दाहाल संयोजक रहेको माओवादी कम्युनिष्ट केन्द्र, नेपाल यसअघि माओवादीको नीति सिद्धान्तमा असहमत हुँदै २०६२ सालमा अलग्गिएर छुट्टै पार्टीका रुपमा सक्रिय हुँदै आएका थिए । केही समय अघि हाम्रो कम्युनिष्ट पार्टी नेपाल पनि संघीय समाजवादी फोरम नेपालमा एकीकृत भएको थियो । ससफो नेपालको केन्द्रीय समितिको सातौँ बैठकले नीति, सिद्धान्त र विचार मिल्ने दलहरूसँग एकता गर्नका लागि पार्टीका सहअध्यक्ष राजेन्द्र प्रसाद श्रेष्ठको संयोजकत्वमा ६ सदस्यीय वार्ता समिति गठन गरेको थियो ।
समितिले अरु केही राजनीतिक दलहरूसँग पनि एकता वार्ता अन्तिम चरणमा पुर्याएको कुरा पार्टीका वार्ता समिति सदस्य तथा कार्यालय प्रमुख प्रकाश अधिकारीले बताएको छ ।
एकता घोषणा सभामा माओवादी कम्युनिष्ट केन्द्रका अध्यक्ष केशव दाहालले सैद्धान्तिक तथा वैचारिक दृष्टिकोणले ससफो, नेपाल अवको वैकल्पिक शक्ति भएको हुँदा आफुहरु एकता प्रक्रियामा सहभागी भएको वताएका छन् । उनले ससफो नेपालले अंगीकार गर्दै आएको नेपाली क्रान्तिको मौलिक सिद्धान्त संघीय समाजवाद नै नेपाल जस्तो बहुराष्ट्रिय मुलुकका लागि उपयुक्त भएको विचार व्यक्त गरे । उनले नेपालका कांग्रेस, नेकपा जस्ता दलहरूले पश्चगमनको बाटो अङ्गीकार गरेको हुँदा न्याय, समानता र पहिचानको आन्दोलनलाई तिनीहरूले टुंगोमा पुर्याउन नसक्ने भन्दै पहिचानसहितको संघीयतासँगै वर्गीय मुक्ति नै आजको राष्ट्रिय आवश्यकता रहेको बताए । उनले माओवादी कम्युनिष्ट केन्द्र एकीकृत भए संगै ससफो नेपाल राजनीतिक तथा सांगठानिक हिसावले अझ मजवुत भएको पनि दावी गरे ।
एकता सभामा ससफो नेपालका केन्द्रीय अध्यक्ष तथा उपप्रधानमन्त्री उपेन्द्र यादवले अव नेपालको वैकल्पिक राष्ट्रिय पार्टी संघीय समाजवादी फोरम नै भएको हुँदा सवै परिवर्तनकारी अग्रगामी शक्तिहरू एकीकृत हुदै गएको वताए । उनले वर्तमान गणतन्त्रलाई संघीय समाजवादी गणतन्त्रमा बदल्नका लागि थप संघर्ष गर्नुपर्ने धारणा व्यक्त गरे ।
पार्टीका वरिष्ठ नेता अशोक राई, सहअध्यक्ष राजेन्द्र प्रसाद श्रेष्ठ, उपाध्यक्ष तथा वार्ता समितिका सदस्य रकम चेम्जोङ लगायतका नेताहरूले पनि कार्यक्रममा पार्टी एकताको महत्वबारे सारगर्भित मन्तब्य राखेका थिए । उनीहरूले पार्टीमा एकीकृत भएका साथीहरूलाई उपयुक्त जिम्मेवारी दिने कुरामा आश्वस्त पारे ।
कार्यक्रमको सञ्चालन ३ नम्बर प्रदेशका सहइन्चार्ज कृष्णवहादुर घःजु, स्वागत इन्चार्ज आङ्देण्दी शेर्पा र धन्यवाद उपमहासचिव प्रकाश अधिकारीले गरेका थिए । कार्यक्रममा कम्युनिष्ट केन्द्रका करिब ३०० जना नेता कार्यकर्ताहरू ससफोमा एकीकृत भएका थिए ।

सम्बन्धित खवर