सरकारी कार्यालयको बोर्ड किरात सिरीजंगा लिपीमा - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • बिहिबार, जेठ १७, २०८१

सरकारी कार्यालयको बोर्ड किरात सिरीजंगा लिपीमा

इलाम : इलामको माङसेबुङ गाउँपालिकाले सरकारी कार्यालयका साइन बोर्डमा तीनवटा भाषा र लिपीको प्रयोग सुरु गरेको छ । गाउँपालिकाले सरकारी कार्यालयमा पहिलोपटक त्रैभाषिक नीति अवलम्बन गरेको छ ।

गाउँसभाले पारित गरेको त्रैभाषिक नीति अनुसार अन्तरराष्ट्रिय भाषा अंग्रेजी, राष्ट्रिय भाषा नेपाली र स्थानीय भाषा लिम्बू तथा अंग्रेजी, देवनागरी र किरात सिरीजंगा लिपीमा साइन बोर्ड राख्ने अभियान सुरु भएको हो ।

अभियानका सुरुआत वडा नम्बर ५ को एक सरकारी विद्यालयबाट गरिएको छ । सरस्वती माध्यमिक विद्यालयमा त्रैभाषिक वोर्ड राखेर बुधबार अभियानको औपचारिक सुरुआत गरिएको छ ।

माङसेबुङ गाउँपालिका सामाजिक विकास समितिका संयोजक तथा वडा नम्बर ५ का वडाअध्यक्ष नरेन्द्र राई र विद्यालय व्यवस्थापन समितिका अध्यक्ष केहरसिंह योङहाङले संयुक्त रुपमा अभियानको सुरुआत गरे ।

यसअघि अंग्रेजी र नेपालीमा मात्र लेखिएको बोर्ड हटाएर तीनैवटा भाषा र लिपीमा लेखिएको बोर्ड राखिएको छ । त्रैभाषिक बोर्ड राखेर सुरु गरिएको अभियानले अन्य स्थानीय, प्रदेश र संघीय सरकारलाई समेत स्थानीय भाषाको संरक्षण र सम्मानका लागि सकरात्मक सन्देश दिएको वक्ताहरुले प्रतिक्रिया दिएका थिए ।

अर्को महिनासम्म सबै सरकारी कार्यालयको बार्ड परिवर्तन गरिने

गाउँसभाको निर्णयअनुसार गाउँपालिकाभरीका सबै सरकारी कार्यालयको बोर्ड तत्काल परिवर्तन गरिनेछ । गाउँपालिकाको कार्यालय, गाउँपालिकाका विभिन्न शाखा, ६ वटै वडा कार्यालय र ३२ वटा सरकारी विद्यालयको बार्ड तत्काल परिवर्तन गरिने सामाजिक विकास समितिका संयोजक नरेन्द्र राईले बताए ।

त्यसका लागि सबै कार्यालयको बोर्ड निर्माणको काम अन्तिम तयारीमा पुगेको संयाजक राईले बताए । ‘गाउँसभाको निर्णयअनुसार गाउँपालिकाभरीका सबै सरकारी कार्यालयको बोर्ड आगामी महिनासम्म परिवर्तन गरिसक्ने तयारीका साथ लागेका छौं’ संयोजक राईले भने, ‘सुभाम्भ विद्यालयबाट गरिएपनि गाउँपालिका, सबै वडा कार्यालय र सरकारी विद्यालयमा त्रैभाषिक बोर्ड राख्नेछौ ।’

उनका अनुसार स्थानीय भाषाका रुपमा भने लिम्बू र वान्तवा प्रयोग गरिनेछ । जातीय बाहुल्यताका आधारमा वडा र वडाका सरकारी कार्यालयमा लिम्बू र वान्तवा भाषा प्रयोग गरिने संयोजक राईले बताए ।

पंचायतकालमा लिम्बू भाषा र लिपी प्रयोगमा अवरोध

यस्तै विद्यालय व्यवस्थापन समितिका अध्यक्ष केहरसिंह योङहाङले यसअघि तत्कालिन सरकारले स्थानीय भाषा र लिपी प्रयोग गर्दा प्रशासनले हस्तक्षेप गरेको स्मरण गरे । २०४६ सालमा किरात धर्मगुरु आत्मानन्द लिङदेनको ३५ औं जन्मोत्वको प्रचार सामग्री लिम्बू भाषा र किरात सिरीजंगा लिपीमा प्रकाशन गरिएको भन्दै प्रहरीले हस्तक्षेप गरेको बताए । ‘वितको भाषिक, साँस्कृति आन्दोलनलाई स्मरण गर्दा दुःख लाग्छ । त्यतिबेला हामीलाई साम्रदायिकताको आरोप लगाउँदै कार्यक्रम समेत अवरोध गर्ने गर्दथ्यो’ विगतका स्मरण गर्दै योङहाङले अगाडि भने, ‘अहिले आफ्नै हातबाट त्यही भाषा र लिपी प्रयोग गरिएको बोर्ड राख्ने अवसर पाए । पुर्नजन्म पाएको आभास भएको छ ।’

संविधान प्रदत्त अधिकारको उपयोग

संविधानले प्रदत्त गरेको भाषिक अधिकारको उपयोग गर्दै बाहुल्य जनसंख्याको आधारमा गाउँसभाले त्रैभाषिक लिपीमा बोर्ड राख्ने निर्णय गरेको गाउँपालिका अध्यक्ष डिकेन्द्र इधिङले बताए । नेपालको संविधान २०७२ को भाग १ को धारा ६ मा ‘नेपालमा बोलिने सबै मातृभाषाहरु राष्ट्रभाषा हुन्’ भन्ने उल्लेख गरिएको छ ।
यसअघि किरात याक्थुङ चुम्लुङ र लिम्बू विद्यार्थी मञ्चले अरुण पूर्णको ९ जिल्लाका सबै सरकारी साईनवोर्डमा अंग्रेजी, नेपाली र लिम्बू भाषा तथा किरात सिरीजङ्गा लिपीमा उल्लेख गर्न माग गर्दे आएको थियो ।-naya bulanda.com

सम्बन्धित खवर