दिपेश रोक्का
कानेपोखरी असार १४ – खेलाडी देशका गहना हुन खेलाडीको प्रगतीनै देशको उन्नती हो भन्ने मुल मर्मलाई आत्मासाथ गर्दै युके बाट सप्तरङ्गी युवा क्लब लाई सहयोग रकम प्राप्त भएको छ ।
मोरङको कानेपोखरी गाउँपालिका वडा नं ७ शुक्रबारेमा रहेको सप्तरङ्गी युवा क्लब लाई युकेमा रहनुभएका कानेपोखरीका तेज बैरागी र कृष्ण बैरागीले रु १० हजार रकम सहयोग गर्नुभएको हो । बैरागी द्धयले सप्तरङ्गी युवा क्लबका कप्तान मनोज लिम्बूलाई रकम हस्तान्तरण गर्नु भएको हो । रकम हस्तान्तराण गर्दै तेज बैरागी कृष्ण बैरागीले पछिल्लो समय खेलको क्षेत्रमा सरकारले उदासिनता देखाएको कारण खेलाडि पलायन हुने अवस्था आएको कारण खेलाडिलाई खेल प्रति आकर्षण बढाउन र रहरलाई मारेर बाध्यताको सिकार हुन बाट बचाउन आफुले सकेको सहयोग गरेको बताउनुभयो ।
समाजसेवाको बाटोबाट खेल क्षेत्रमा मात्रै नभएर सबैलाई सक्ने सहयोग गर्ने बहाँहरुको भनाई रहेको थियो । रकम ग्रहणगर्दै सप्तरङ्गी क्लवका कप्तान मनोज लिम्बूले खेलाडीको उज्वल भविष्यको कामना गर्दै गरेको सहयोग प्रती कृतज्ञता जनाउनुभयो । वहाँले सबैको सहयोग जुट्न सके खेल खेलाडीको विकासमा टेवा पुग्ने बताउनुभयो । वहाँले सबैलाई सहयोग गरीदिन आह्वान गर्दै खेलाडिको खेल प्रतीको लगावलाई घट्न नदिन आफ्नो तर्फबाट सक्ने काम गर्ने बताउनुभयो । हाल सप्तरङ्गी युवा क्लबमा १८ जना खेलाडीले फुटबल प्रशिक्षण गर्दै आएका छन् ।
















