साइनो समाचारदाता/पथरी, ११ कार्तिक
पथरी शनिश्चरे प्रिमियर लिग क्रिकेट चौथो संस्करणको उद्घाटन खेलमा रोयल किङ विजयी भएको छ । शुकबार सुरु भएको उद्घाटन खेलमा ३४ रनले डिफेन्डीङ च्याम्पीयन सात बाघलाई पछि पार्दै रोयल किङ विजयी भएको हो । रोयल किङले विजयी सुरुवात संगै डिफेन्डीङ च्याम्पीयन सात बाघलाई पहिलो खेलमै धक्का लागेको छ ।

टस हारेर ब्याटिङमा उत्रीएको रोयल किङले २० ओभरमा ८ बिकेट गुमाएर १३४ रन बनाएको थियो । रोयलका लागि शिवम यादबले नट आउट ३७ बनाउदा महेश कार्कीले २७ रन बनाए । यस्तै संन्जय प्याक्राले १७ रन बनाए । सातबाघ लागी फिर्दोस अन्सारीले ४ बिकेट लिदा अस्विन महतले ३ बिकेट लिए ।
१३५ रनको मध्यम लक्ष्य लिएर मैदान उत्रिएको सात बाघ १७ ओभर ५ बलमा अल आउट हुँदै १०० रनमा समेटियो । सातबाघका लागि फिर्दोस अन्सारीले २६, अस्विन महतले २५ र पुकार राईले १७ रन बनाउन बाहेक अन्य खेलाडिले दोहोरो रन जोडन सकेन्न । रोयलका शिवन यादब, राज बस्नेत, दिवस राजबंशी र सुवास भण्डारीले समान २/२ बिकेट लिए ।

खेलको म्यान अफ दि म्याच रोयलका शिवन यादब घोषित भए । प्रतियोगीताको विजेताले १ लाख ३१ हजार रुपयाँ र ट्रफि प्राप्त गर्ने छ भने उपविजेताले ७१ हजार १ सय ११ रुपयाँ प्राप्त गर्ने छ । कार्तिक २५ गते सम्म सन्चालन हुने प्रतियोगीताको नगरका प्रमुख मोहन प्रसाद तुम्वापोले उदघाटन गर्नु भएको थियो ।


















