मोरङको पथरीशनिश्चरे नगरमा जारी ‘इन्ट्रा पथरीशनिश्चरे फुटबल प्रिमियर लिग अन्तर्गत तेस्रो दिनको खेलमा शिरिजंघा फुटबल क्लव विजयी भएको छ ।
आज भएको खेलमा देविगञ्ज फुटबल क्लवलाई ३ ० गोल अन्तरले पराजित गर्दै शिरिजंघा विजयी भएको हो । खेलको ४० औं मिनेटमा विवेक आङ्देम्बेलाई डिबक्स भित्र फल्ड गरेपछि शिरिजंघाले पेनाल्टी पायो । पेनाल्टीमा जर्सी नम्बर १० का जहरमान लिम्बुले गोल गर्दै खेलमा खाता खोलेका थिए । खेलको ४२ औँ मिनेटमा विवेक आङ्दाम्बेको पासमा जर्सी नम्बर ८ का विसाल साँवाले दोस्रो गोल गरे भने खेलको अन्तिम समयमा जर्सि नम्बर ७ का संयोग थापाले गोल गर्दै टिमलाई ३ ० को जीत दिलाउन सफल भए । यता देविगञ्जले पाएको विभिन्न अवसरलाई सदुपयोग गर्न सकेन ।
आजको खेलको म्यानअफ दम्याच शिरिजंघा फुटबल क्लवका जर्सि नम्बर २ का रोनि तामाङ घोषित हुँदै ३ हजार रुपैयाँ प्राप्त गरे । भोलि आईतबारको खेल न्यु स्टार फुटबल क्लव र द रियल ब्रदर बिच हुने छ । प्रतियोगीतामा बिजेता हुने टिमले २ लाख ५० हजार ट्रफि मेडल प्रमाणपत्र प्राप्त गर्नेछ भने द्धितीय हुने टिमले १ लाख ५१ जार प्राप्त गर्ने छ । लिगको टाइटल स्पोन्सर इन्ट्रा नेशनल वेलफेर एण्ड सपोर्ट फाउण्डेसन अफ अमेरिकाको रहेको आयोजक कमिटीका अध्यक्ष सन्जीब गिरीले बताए ।
















