
✍️ पूर्ण समीत
न रुपैयाँ – पैसाले सकिन्छ, न ओखतीले सकिन्छ
पिरतीको रोग निको पार्न केवल पिरतीले सकिन्छ
तिमी भन्छौ पैसावाल पाएकैले प्रेमिकाले धोका दि
यहाँ बाउ – छोराको त सम्बन्ध सम्पत्तिले सकिन्छ
धानको भात खानै दशैं, तिहार कुर्नु पर्छ गरीबले
धनीको त जिन्दगी बासमतीनै बासमतीले सकिन्छ
केही गर्न सकिएन भनेर कुनै अफसोस छैन मलाई
अचेल मान्छेको इज्जत पनि त प्रगतिले सकिन्छ
सुनेपछि अवैध सम्बन्धको खवर झुन्डिएको हो ऊ
जाबो परदेशीको जीवन आफ्नै श्रीमतीले सकिन्छ
पथरीशनिश्चरे – ६, मोरङ
















