कविताः ऐलानी मेटामोरफोसिस - Sainokhabar
pin uppinuppin up casinopinup azpin uppinup azpin up azpin-up online casinopin uppin up azerbaijanpin up azerbaycanpin-up oyunupinup loginpinup casinopin up casino indiapin up indiapinup bet indiapin up bet indiapin up indiapin up casinopin up indiapin up kzpin up betpin uppin up betpin up bet зеркалоpin upmostbet azemosbetmosbet casinomostbet azmosbetmostbetmostbet casinomostbet aviatormosbet aviatorмостбет кзmostbet kzmostbet1win kz1win casino1win1 win1win uz
  • शनिबार, मङि्सर ०६, २०८३

कविताः ऐलानी मेटामोरफोसिस


धनराज लावती

बिहानै भालेको डाकमा बिउझनु
छोराछोरीलाई ओछ्यानमै छोड्नु
अनि हलो(जुवा काधमा राखेर
हल गोरुसगै मेलोमा पस्नु
मर्निङ वाकमा निस्कनु जस्तो थिएन
रामभरोसको दिनचर्या ।

जब खेतबारीमा उसको पेटको संघर्षलाई
छड्के घामको तापले पगाल्थ्यो
अनुहारको मैला पसिनाले पखाल्थ्यो
अनि ढाडले आरामको जिद्दी गर्थ्यो,
ओठले खुइ…य बजाउथ्यो
तब आइपुथ्यो उसको देशी फ्राइडराइस वा पपकर्न
ब्रेकफास्ट बनेर ।

यसरी
दिन हप्ता, महिना वा वर्ष मात्रै होइन
युगौ बिताएको प्रमाण छ उ सग

पहिलो त
तिमी सोध्न सक्छौ यै माटोलाई
जसले अझै पनि उसको पुर्खाको कंकाललाई
आफ्नो छातीमा टासेको छ ।
दोस्रो,
सोध्न सक्छौ यी बोटविरूवाहरूलाई
जसले उसको गरम पसिना सोसेर
उसैलाई बार्हैमास सितलता दिइरहेको छ ।
हो ! उसग कुनै लिखित प्रमाण त छैन
तर अझैपनि तिमीले खोज्दै गयौं भने
खेतका गर्हाहरूमा उसका पुर्खाहरूले छोडिआएको
बूढो ठुटा वा जरा भेट्न सक्छौ
जुन अक्सर हलो जोत्दा उसको फालीमा अल्झन्थ्यो ।

अहिले उसलाई यति थाहा छ
लोकतन्त्र गाउँमा छिरेदेखि हो
डोजरले उसको जमिनको आरिस गर्न थालेको
ठुलो बाटो खोजेको, पक्की प्लटिङ मागेको
तर कसलाई थाहा छ र ? जब उसले
छोरालाई बिदेश पठाउन, बैंकले ऋण नदिएको
छोरीलाई दहेज दिन, सहकारीले विश्वास नगरेको ।
सबथोक भएर नि रामभरोस केही नभए जस्तो
आफ्नै जमिनको मालिक मै हु भन्न नसकेको ।

आजभोलि
गाउँमा सुकुम्बासी बिस्थापितको हल्ला चलिरहदा
ऐलानी जग्गा कब्जाबारे समाचार रेडियोमा सुनिरहेका
रामभरोस यो सोचिरहेको छ कि
युगैदेखि उसको पुर्खाले भोग्दै आएको भूमि
आज कसरी अर्कैको नाममा हुनसक्छ ?
आखिर यो जमिनको लालपुर्जा
कसरी उसको पुर्खाभन्दा पुरानो हुनसक्छ ?

धेरै सोचबिचार पछि रामभरोस
आफ्नो जमिन किन्ने ग्राहकको खोजीमा
सबेरै घरबाट निस्कन्छ अरे
कतै भेटिहाल्यौ भने
त्यो तिम्रै जमिन हो भन्दिनु ।।

सम्बन्धित खवर