प्रतिष्ठानको आयोजनामा गणतन्त्र दिवस मनाउने

साइनो समचारदाता

पथरी । नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानको बैठकले २०७६ सालको गणतन्त्र दिवस विभिन्न कार्यक्रमको आयोजना गरी मनाउने निर्णय गरेको छ ।

जेठ १४ गते ‘गणतन्त्रको एक दशक’ विषयक अन्तरक्रिया कार्यक्रम आयोजना गर्ने, जेठ १५ गते ७७ वटै जिल्लामा प्रभातफेरी र बेलुकी मुख्य चोकहरुमा दीप प्रज्ज्वलन गर्ने र जेठ १६ गते ‘संघीयता कार्यान्वयन’ विषयका अन्तरक्रिया कार्यक्रम आयोजना गर्ने बताइएको छ । नेपाली कांग्रेसका सभापति शेरबहादुर देउवा अन्तरक्रियामो प्रमुख अतिथिको रुपमा उपस्थिति जनाउने प्रतिष्ठानद्वारा जारी विज्ञप्तीमा उल्लेख छ ।

 

केन्द्रीय नीति, अनुसन्धान तथा प्रशिक्षण प्रतिष्ठान

जेष्ठ १२, २०७६

विज्ञप्ति

नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानको बैठकले यो वर्षको गणतन्त्र दिवस विभिन्न कार्यक्रमको आयोजना गरी मनाउने निर्णय गरेको छ ।

कार्यक्रम
१. मिति २०७६ जेठ १४ गते ‘गणतन्त्रको एक दशक’ विषयक अन्तरक्रिया कार्यक्रम आयोजना गर्ने ।
२. २०७६ जेठ १५ गते ७७ वटै जिल्लामा प्रभातफेरी र बेलुकी मुख्य चोकहरुमा दीप प्रज्ज्वलन गर्ने ।
काठमाण्डौं उपत्यकामा विहान ६ः३० बजे शान्ति बाटिकाबाट प्रभातफेरी प्रारम्भ गर्दै शहरका विभिन्न चोक हुँदै पुनः शान्ति बाटिका कार्यक्रम समापन गरिने । साथै, साँझ ६ः३० बजे शान्ति बाटिका दिप प्रज्ज्वलन गरिने ।
३. मिति २०७६ जेठ १६ गते ‘संघीयता कार्यान्वयन’ विषयका अन्तरक्रिया कार्यक्रम आयोजना गर्ने ।
अन्तरक्रिया कार्यक्रमहरु अनुपम फुडल्याण्ड, बत्तीसपुतली, गौशालामा ठिक १२ः३० बजे शुरु हुनेछ । कार्यक्रम प्रमुख अतिथि नेपाली कांग्रेसका सभापति श्री शेरबहादुर देउवा हुनुहुनेछ ।
अतः उपरोक्त कार्यक्रमहरुको समाचार संकलन र सम्प्रेषणका लागि प्रतिनिधि पठाईदिनु हुन अनुरोध छ ।

पुरुषोत्तम दाहाल
कार्यकारी निर्देशक